పని పూర్తయి ప్రారంభోత్సవానికి సిద్ధమైనా స్పందన శూన్యం..

పక్కనే మరో షెడ్ శరవేగంగా నిర్మాణం

శేరిలింగంపల్లి,అక్టోబర్ 15,(డిడి9 వార్త): శేరిలింగంపల్లి జోనల్ కమిషనరేట్‌కు కూతవేటు దూరంలోనే అక్రమ నిర్మాణాలు యథేచ్ఛగా సాగుతున్నా అధికారులకు కనిపించడం లేదా? నిర్మాణ పనులు ప్రారంభమైనప్పటి నుంచే సంబంధిత అధికారులకు ఫిర్యాదులు చేస్తున్నా, 20 రోజులుగా ఎలాంటి చర్యలు తీసుకోకపోవడంపై తీవ్ర విమర్శలు వ్యక్తమవుతున్నాయి.

ఫిర్యాదు చేసిన వెంటనే స్పందించి నిర్మాణ పనులను నిలిపివేయాల్సిన అధికారులు మౌనం వహించడంతో, అక్రమ నిర్మాణదారులకు రెచ్చిపోతున్నారు. దీంతో శేరిలింగంపల్లి జోనల్ కమిషనరేట్ కూత వేటు దూరం లో ఉన్న మస్జిద్ బండా శ్రీ రామ్ నగర్ కాలనీ లో అక్రమ నిర్మాణాలు పుట్టగొడుగుల్లా పుట్టుకొచ్చాయి ఎవరొచ్చి ఏం అంటారులే అనుకున్నారు కాబోలు భారీ షెడ్డు నిర్మాణం చేపట్టేశారు ఇన్ స్టా మార్ట్ బోర్డు తగిలించేశారు మరో పక్క షెడ్డు మీద షెడ్డు కట్టేశారు,ఎదురుగా మరో షెడ్డు శరవేగంగా నిర్మాణాలు చేపట్టారు.ఫలితంగా నిర్మాణ పనులు పూర్తయ్యాయి. ప్రస్తుతం ప్రారంభోత్సవానికి సిద్ధమయ్యే పరిస్థితి ఏర్పడింది.

ఇంత జరుగుతున్నా అధికారులు పట్టించుకోకపోవడంతో తమ నిర్మాణాలను ఎవరూ అడ్డుకోలేరనే ధీమా అక్రమ నిర్మాణదారుల్లో వ్యక్తమవుతుంది. ఇప్పటికే భారీ షెడ్డు,మరో షెడ్ మీద షెడ్డు నిర్మాణం పూర్తికాగా, దాని పక్కనే మరో షెడ్ నిర్మాణ పనులు కూడా ప్రారంభించడం గమనార్హం.

ఫిర్యాదులు చేసినా ఫలితం లేదా?

అక్రమ నిర్మాణాలు శేరిలింగంపల్లి పల్లి సర్కిల్ కోకొల్లాలుగా వెలుస్తున్న టౌన్ ప్లానింగ్ అధికారులు చూసి చూడనట్టుగా వ్యవహరించడం గమనార్హం పిర్యాదులు ఇచ్చిన పట్టించుకోక పోవడంతో అధికారుల అజమాయిషీ లోపం కొట్టొచ్చినట్టు కనపడుతుందని అనడానికి సజీవ సాక్ష్యాలుగా ఈ నిర్మాణాలే కనపడుతున్నాయి.

అక్రమ నిర్మాణాలు ప్రారంభమైనప్పుడే స్పందించి ఉంటే ఈ పరిస్థితి వచ్చేది కాదు. కానీ 20 రోజులుగా ఫిర్యాదులు చేస్తున్నా చర్యలు లేకపోవడం అధికారుల పనితీరుపై ప్రశ్నలు లేవనెత్తుతోంది. జోనల్ కమిషనరేట్‌కు అతి సమీపంలోనే పరిస్థితి ఇలా ఉంటే, అధికారుల పర్యవేక్షణకు దూరంగా ఉన్న ప్రాంతాల్లో పరిస్థితి ఎలా ఉందో అర్థం చేసుకోవచ్చు.

ఇప్పటికైనా ఉన్నతాధికారులు స్పందించి

పూర్తయిన నిర్మాణంపై నిబంధనల ప్రకారం విచారణ జరిపి, జీరో అనుమతులు తో నిబంధనలకు విరుద్ధంగా నిర్మిస్తున్న మారుతి నగర్ లోని  భారీ షెడ్డు (ఇన్ స్టా మార్ట్)మరియు షెడ్డు మీద షెడ్డు(రాంరెడ్డి చికెన్ షాప్)వాటి పక్కన ప్రారంభమై వేగవంతంగా నిర్మాణం చేపడుతున్న మరో షెడ్డు ల పై తక్షణమే చర్యలు తీసుకోవాల్సింది గా స్థానికులు ముక్త కంఠంతో కోరుతున్నారు , ఫిర్యాదులను బుట్టదాఖలు చేస్తున్న అధికారులపై కూడా ఉన్నతాధికారులు దృష్టి సారించాల్సిన అవసరం ఉంది.

అక్రమ నిర్మాణాలు పూర్తయ్యే వరకు వేచి చూసి, ఆ తర్వాత స్పందించడం అధికారుల విధి నిర్వహణలో భాగమా? లేక ఫిర్యాదులపై చర్యలు తీసుకోవాల్సిన బాధ్యతను విస్మరిస్తున్నారా? అన్న ప్రశ్నలకు సంబంధిత అధికారులు సమాధానం చెప్పాలి.

నిజామాబాద్ నగరంలోని కంటేశ్వర్ రైల్వే అండర్పాస్ (ఎన్టీఆర్ చౌరస్తా నుంచి జెడ్పీ చౌరస్తా, కంటేశ్వర్ బైపాస్ వెళ్లే మార్గం) ఇక మూతపడనుంది. దక్షిణ మధ్య రైల్వే ఆధ్వర్యంలో చేపడుతున్న డబుల్ ట్రాక్ నిర్మాణ పనుల్లో భాగంగా.. అండర్పాస్ విస్తరణ పనులు ప్రారంభం కానున్నాయి. ఈ నేపథ్యంలో రేపటి నుంచి అనగా ఈ నెల 16వ తేదీ ఉదయం నుంచే సుమారు 45 రోజుల పాటు ఈ మార్గంలో వాహనాల రాకపోకలను పూర్తిగా నిలిపివేస్తున్నట్లు పోలీస్ కమిషనర్ పి.సాయి చైతన్య గురువారం ఒక ప్రకటనలో స్పష్టం చేశారు. ట్రాఫిక్ ఇబ్బందులు తలెత్తకుండా వాహనదారులు ప్రత్యామ్నాయ మార్గాలను అనుసరించాలని విజ్ఞప్తి చేశారు.

​దారులు ఇలా మళ్లింపు..

ఆర్మూర్, నిర్మల్, ఆదిలాబాద్, కరీంనగర్, కామారెడ్డి, హైదరాబాద్ వైపు నుంచి నిజామాబాద్ నగరంలోకి ప్రవేశించే వాహనాలు కంటేశ్వర్ బైపాస్, మీసేవ కంటేశ్వర్ మీదుగా సాగాలి. ఒకవైపు పనులు పూర్తయిన రైల్వే అండర్పాస్ గుండా ప్రయాణిస్తూ ఎన్టీఆర్ చౌరస్తాకు చేరుకోవాలి. అక్కడి నుంచి కుడి వైపునకు తిరిగి రైల్వే స్టేషన్ ముందర నుంచి బస్టాండ్ చేరుకోవాలని సూచించారు.

​ఇక నిజామాబాద్ నుంచి ఆర్మూర్, కరీంనగర్, ఆదిలాబాద్, నిర్మల్, కామారెడ్డి, హైదరాబాద్ వైపు వెళ్లే వాహనాలు దేవీ రోడ్డు రైల్వే ఫ్లైఓవర్ ఎక్కి, దుబ్బ శివాజీ విగ్రహం మీదుగా దుబ్బ రోడ్డులో ప్రయాణించాలి. దుబ్బ చౌరస్తాలోని శ్రీ మహాలక్ష్మి టెంపుల్ వద్ద ఎడమ వైపునకు మలిపి ఖానాపూర్ చౌరస్తాకు చేరుకోవచ్చు. అలాగే మహాలక్ష్మి టెంపుల్ దుబ్బ చౌరస్తా నుంచి నేరుగా జీజీ కాలేజ్ ‘యు’ టర్న్ వరకు వెళ్లి బైపాస్ చేరుకోవచ్చు. అక్కడి నుంచి కంటేశ్వర్ డీఎస్ చౌరస్తాకు వెళ్లవచ్చని పేర్కొన్నారు.

​అలాగే హైదరాబాద్, కామారెడ్డి వైపు వెళ్లే వాహనదారులు ఎన్టీఆర్ చౌరస్తా, కోర్టు చౌరస్తా, పులాంగ్ చౌరస్తా నుంచి మాధవనగర్ రైల్వే గేట్ దాటాలి. అక్కడి నుంచి మాధవనగర్ బైపాస్ మీదుగా హైదరాబాద్ రోడ్డును చేరుకోవాలని స్పష్టం చేశారు. మరోవైపు బోధన్, బాన్సువాడ, వర్ని వైపు వెళ్లే వాహనాలు మాత్రం ఎటువంటి మళ్లింపులు లేకుండా యథావిధిగా పాత మార్గంలోనే రాకపోకలు సాగించవచ్చని వెల్లడించారు.

​అత్యవసరమైతే ఈ నంబర్లకు ఫోన్ చేయండి..

రైల్వే అండర్పాస్ పనులు సుమారు 45 రోజుల పాటు జరిగే అవకాశం ఉన్నందున, నగర ప్రజలు పోలీస్ శాఖ సూచించిన దారులనే ఉపయోగించి రాకపోకలు సాగించాలని సీపీ కోరారు. ప్రయాణంలో ఏవైనా ఇబ్బందులు తలెత్తితే అత్యవసరంగా సంప్రదించేందుకు వీలుగా కంట్రోల్ రూమ్ నంబర్లను అందుబాటులో ఉంచారు. ​నిజామాబాద్ ఆర్టీసీ కంట్రోల్ రూమ్: 9959226022,  పోలీస్ కంట్రోల్ రూమ్ సెల్: 8712659700, ల్యాండ్ లైన్: 08462-226090, ​ట్రాఫిక్ ఎస్హెచ్ఓ (నిజామాబాద్) సెల్: 8w712659842

తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ సంబరాలను జిల్లాల్లో పండుగ వాతావరణంలో అత్యంత ఘనంగా నిర్వహించాలని రాష్ట్ర పర్యాటక, సాంస్కృతిక శాఖ ప్రత్యేక ప్రధాన కార్యదర్శి వాణీ ప్రసాద్ ఆదేశించారు. మంగళవారం హైదరాబాద్ నుంచి కలెక్టర్లతో నిర్వహించిన వీడియో కాన్ఫరెన్స్‌లో బతుకమ్మ వేడుకల ఏర్పాట్లు, పర్యాటక ప్రాజెక్టుల పురోగతిపై ఆమె సుదీర్ఘంగా సమీక్షించారు.

​ఈ సందర్భంగా వాణీ ప్రసాద్ మాట్లాడుతూ.. బతుకమ్మ వేడుకలను కేవలం సాంస్కృతిక కార్యక్రమాలకే పరిమితం చేయకుండా ప్రజల్లో అవగాహన కల్పించే వేదికగా మార్చాలని సూచించారు. ప్రస్తుత ‘సూపర్ ఎల్‌నినో’ పరిస్థితుల నేపథ్యంలో నీటి పొదుపు, వర్షపాతం, పర్యావరణ పరిరక్షణ వంటి అంశాలను ప్రతిబింబించేలా బతుకమ్మ పాటల పోటీలు నిర్వహించి ప్రజలను చైతన్యపరచాలన్నారు. వేడుకలు జరిగే ప్రాంతాల్లో పారిశుధ్యం, తాగునీరు, విద్యుత్, భద్రత, పార్కింగ్ వసతులను పకడ్బందీగా ఏర్పాటు చేయాలని, ఫోటోలు, వీడియోల ద్వారా విస్తృత ప్రచారం కల్పించాలని స్పష్టం చేశారు.

​పీపీపీ విధానంలో హరిత హోటళ్ల పూర్తి

​రాష్ట్రంలో జిల్లాలకు బదిలీ చేసిన 56 పర్యాటక అభివృద్ధి ప్రాజెక్టుల పనులను స్థానిక ఇంజినీరింగ్ శాఖల సమన్వయంతో వేగవంతం చేయాలని ఆదేశించారు. రెండు వారాల్లోగా ప్రతి ప్రాజెక్టుకు సంబంధించిన సవివర ప్రాజెక్టు నివేదికల తయారీ బాధ్యతలను ఇంజినీరింగ్ శాఖలు లేదా కన్సల్టెన్సీలకు అప్పగించాలని స్పష్టం చేశారు. పాక్షికంగా పూర్తయిన హరిత హోటళ్లను పూర్తి చేసి నిర్వహణలోకి తెచ్చేందుకు ప్రభుత్వ-ప్రైవేట్ భాగస్వామ్య విధానంలో పెట్టుబడులను ప్రోత్సహించాలని, స్థానిక ప్రజాప్రతినిధులు, పెట్టుబడిదారుల సహకారం తీసుకోవాలని సూచించారు.

​స్వదేశ్ దర్శన్ పథకం, ఇతర కేంద్ర, రాష్ట్ర నిధుల ద్వారా పర్యాటక ప్రాంతాల్లో మౌలిక వసతులు, భద్రత కల్పించాలని, స్థానిక స్వయం సహాయక సంఘాల ఉత్పత్తులకు పర్యాటకంతో అనుసంధానం కల్పించి ఉపాధి పెంచాలన్నారు. కలెక్టరేట్ నుంచి ఈ వీడియో కాన్ఫరెన్స్‌లో కలెక్టర్ ఇలా త్రిపాఠి, జిల్లా రెవెన్యూ అధికారి గీత, జిల్లా పర్యాటక అభివృద్ధి అధికారి పవన్ కుమార్ పాల్గొన్నారు.

జిల్లాలోని కస్తూర్బా గాంధీ బాలికల విద్యాలయాలు, ఇతర ప్రభుత్వ విద్యా సంస్థల్లో మౌలిక వసతుల కల్పనకు చేపట్టిన అసంపూర్తి పనులను యుద్ధప్రాతిపదికన పూర్తి చేయించాలని  కలెక్టర్ ఇలా త్రిపాఠి అధికారులను ఆదేశించారు. నగరంలోని సమీకృత జిల్లా కార్యాలయాల సముదాయం  ప్రధాన సమావేశ మందిరంలో మంగళవారం ఎంఈఓలు, మండల స్పెషల్ ఆఫీసర్లతో కలెక్టర్ విస్తృత స్థాయి సమీక్షా సమావేశం నిర్వహించారు.

​ఈ సందర్భంగా కలెక్టర్ మాట్లాడుతూ.. పలు చోట్ల సివిల్ పనులు మందకొడిగా సాగుతుండటంపై ఇంజనీరింగ్ అధికారుల పనితీరు పట్ల అసంతృప్తి వ్యక్తం చేశారు. కేజీబీవీల్లో నూతన భవన నిర్మాణాలు, అదనపు తరగతి గదులు, మరుగుదొడ్లు, డ్రైనేజీ నిర్మాణాల ప్రగతిని సమీక్షించి వేగం పెంచాలన్నారు. ఇప్పటివరకు మంజూరీలు రాని పనులకు సంబంధించి 'వీబీ జీరాంజీ' కింద ప్రతిపాదనలు పంపాలని సూచించారు. ఎం.ఎస్.ఓలు, ఎం.ఈ.ఓలు నెలకు కనీసం రెండుసార్లు కేజీబీవీలను ఆకస్మికంగా తనిఖీ చేయాలని, బాలికలకు పరిశుభ్రమైన, నాణ్యమైన పౌష్టికాహారం అందేలా పర్యవేక్షించాలని ఆదేశించారు.

​విధుల పట్ల నిర్లక్ష్యం వహిస్తే చర్యలు తప్పవు

​పాఠశాలల్లో ముఖ గుర్తింపు విధానం ఆధారిత హాజరును నూటికి నూరు శాతం అమలు చేయాలని, నిర్లక్ష్యం వహిస్తే వేతనాలు నిలిపివేస్తామని కలెక్టర్ హెచ్చరించారు. పాఠశాల ఆవరణలను పరిశుభ్రంగా ఉంచాలని, అపరిశుభ్రత కారణంగా విద్యార్థులు అతిసారం, డెంగీ, మలేరియా వంటి వ్యాధుల బారిన పడితే సంబంధిత ఎంఈఓలనే పూర్తి బాధ్యులను చేస్తామని స్పష్టం చేశారు. విద్యార్థుల ఆరోగ్యం, భద్రతకే తమ మొదటి ప్రాధాన్యత అని తెలిపారు. ప్రభుత్వం ప్రతిష్టాత్మకంగా చేపడుతున్న యంగ్ ఇండియా ఇంటిగ్రేటెడ్ రెసిడెన్షియల్ స్కూళ్లు, తెలంగాణ పబ్లిక్ స్కూళ్ల నిర్మాణాల ప్రగతిని, నాణ్యతా ప్రమాణాలను నిరంతరం పర్యవేక్షించాలని అధికారులకు దిశానిర్దేశం చేశారు. ఈ సమావేశంలో అదనపు కలెక్టర్ భుజంగరావు, ఇంచార్జి జిల్లా విద్యాశాఖాధికారి సాయాగౌడ్ తదితరులు పాల్గొన్నారు.

నియోజకవర్గానికి సంబంధించి రోడ్లు, భవనాల శాఖ పనుల్లో వేగం పెంచాలని, అభివృద్ధిలో పురోగతి సాధించాలని నిజామాబాద్ అర్బన్ ఎమ్మెల్యే ధన్‌పాల్ సూర్యనారాయణ స్పష్టం చేశారు. నగరంలోని సుభాష్ నగర్ క్యాంప్ కార్యాలయంలో ఆర్ అండ్ బీ అధికారులతో ఆయన మంగళవారం సమీక్ష నిర్వహించారు. ఈ సందర్భంగా ఎమ్మెల్యే మాట్లాడుతూ.. నిజామాబాద్‌లోని చారిత్రక కట్టడమైన ఖిల్లా రామాలయ అభివృద్ధి కోసం తాము చేస్తున్న ప్రయత్నాలు ఫలిస్తున్నాయని తెలిపారు. ఆలయ అభివృద్ధిని కేంద్ర, రాష్ట్ర ప్రభుత్వాల దృష్టికి తీసుకెళ్లగా.. సానుకూలంగా స్పందించి రోప్‌వే ఏర్పాటుకు డీపీఆర్ (సవివర ప్రాజెక్టు నివేదిక) సిద్ధం చేయాలని ఆదేశించినట్లు వెల్లడించారు. ఇటీవల ఆర్ అండ్ బీ అధికారులతో పాటు రోప్‌వే నిర్మాణ సంస్థ ప్రతినిధులు క్షేత్రస్థాయిలో పరిశీలన జరిపిన విషయాన్ని గుర్తుచేశారు. నగరంలో పెండింగ్‌లో ఉన్న పనులను ఏమాత్రం ఆలస్యం చేయకుండా యుద్ధప్రాతిపదికన పూర్తి చేయాలని అధికారులనుa ఆదేశించారు.

​అంతకుముందు పబ్లిక్ హెల్త్ అధికారులతోనూ ఎమ్మెల్యే ప్రత్యేకంగా సమావేశమయ్యారు. ఇందూరులో కొనసాగుతున్న అండర్‌గ్రౌండ్ డ్రైనేజీ, ట్యుఫిడ్స్ (TUIDFIC) రూ. 60 కోట్ల అభివృద్ధి పనుల పురోగతిపై సుదీర్ఘంగా చర్చించారు. ప్రధానంగా యూజీడీ పనులు నత్తనడకన సాగుతుండటంపై అధికారులకు తగిన సూచనలు జేశారు. ప్రజలకు ఇబ్బందులు కలగకుండా నిర్దేశిత గడువులోగా పనులన్నీ పూర్తి చేయాలని స్పష్టం చేశారు. ​ఈ సమావేశంలో ఆర్ అండ్ బీ డీఈలు నాందేవ్, రామ్మోహన్, ఏఈ సాయికుమార్, పబ్లిక్ హెల్త్ డీఈ యోగేష్, ఏఈ శివకృష్ణ, యూజీడీ వర్క్స్ మేనేజర్ జయశంకర్ తదితరులు పాల్గొన్నారు.

తెలంగాణ సాంస్కృతిక వైభవానికి ప్రతీకగా నిలిచే బతుకమ్మ పండుగ నిజామాబాద్‌లోని కేర్ డిగ్రీ కళాశాలలో కన్నులపండువగా సాగింది. ఉత్సవాల్లో భాగంగా నాల్గో రోజైన మంగళవారం కళాశాలలో 'నానబియ్యం' బతుకమ్మ వేడుకలను అత్యంత ఘనంగా నిర్వహించారు.

భారీ షెడ్డు సీజ్‌

డీడీ9 వార్త వరుస కథనాలతో కదిలిన యంత్రాంగం

అక్రమ నిర్మాణదారులకు టౌన్ ప్లానింగ్ అధికారుల ఝలక్‌!

శేరిలింగంపల్లి,అక్టోబర్ 12,(డిడి9 వార్త): అక్రమ నిర్మాణాలపై డీడీ9 వార్త వరుస కథనాలు ప్రచురించిన నేపథ్యంలో అధికార యంత్రాంగంలో కదలిక వచ్చింది. శేరిలింగంపల్లి జోనల్ కమిషనరేట్ ఎదురుగా సుదర్శన్ నగర్ కాలనీ 4బీలో తిరిగి నిర్మించిన భారీ షెడ్డు వ్యవహారంపై టౌన్ ప్లానింగ్ అధికారులు స్పందించారు. శేరిలింగంపల్లి జోనల్ సీపీ శ్యామ్ ఆదేశాల మేరకు ఏసీపీ ప్రసీద రంగంలోకి దిగి సోమవారం షెడ్డు సీజ్‌ చేశారు. దీంతో ‘వి క్యూబ్’ ప్రారంభానికి బ్రేక్‌ పడినట్లయింది.

కూల్చివేత నుంచి పునర్నిర్మాణం..

చివరకు సీజ్‌!

గత సెప్టెంబర్‌లో అక్రమ నిర్మాణమంటూ కూల్చివేసిన భారీ షెడ్డు, కొద్ది కాలానికే షెడ్డు తిరిగి నిర్మాణం చేపట్టడం వివాదానికి దారితీసింది. జోనల్ కమిషనరేట్ కార్యాలయానికి ఎదురుగానే తిరిగి నిర్మాణం చేపట్టారు. డీడీ9 వార్త వరుస కథనాలతో అధికారులు చర్యలు చేపట్టారు 

డీడీ9 వార్త కథనాలతో కదలిక!

అక్రమ నిర్మాణాలపై  డీడీ9 వార్త ప్రచురించిన వరుస కథనాల నేపథ్యంలో అధికారులు స్పందించడం ప్రాధాన్యత సంతరించుకుంది. నిబంధనలను ఉల్లంఘించి నిర్మాణాలు చేపడితే చర్యలు తప్పవనే సంకేతాలు ఈ పరిణామంతో వెలువడ్డాయి.

సెప్టెంబర్‌లో కూల్చివేత.. తిరిగి పునర్నిర్మాణం.. అక్టోబర్‌లో సీజ్‌ ప్రకటన! సుదర్శన్ నగర్‌లోని ‘వి క్యూబ్’ షెడ్డు వ్యవహారంలో తదుపరి చర్యలు ఎలా ఉంటాయన్నది ఆసక్తికరంగా మారింది. అక్రమ నిర్మాణాలపై అధికారులు తీసుకునే చర్యలు ప్రకటనలకే పరిమితం కాకుండా క్షేత్రస్థాయిలో అమలుకావాలని స్థానికులు కోరుతున్నారు.

బాన్సువాడ, అక్టోబర్ 13(డిడి9 వార్త): కామారెడ్డి జిల్లా బీర్కూర్ మండలంలోని దివ్యాంగులకు అండగా నిలిచేందుకు భాస్కరన్న ముందుకు వచ్చారని బీర్కూర్ మండల నాయకులు తెలిపారు. మండల పరిధిలోని ఆయా గ్రామాల్లో కాళ్లు, చేతులు కోల్పోయిన వారిని గుర్తించి, వారి వివరాలను సేకరించి భాస్కరన్న దృష్టికి తీసుకెళ్లనున్నట్లు పేర్కొన్నారు.దివ్యాంగులకు అవసరమైన కృత్రిమ కాళ్లు, చేతులను లండన్ నుంచి అత్యాధునిక సాంకేతిక పరిజ్ఞానంతో తయారు చేయించి తెప్పించి అందించేందుకు చర్యలు తీసుకుంటున్నట్లు తెలిపారు. అవసరమైన వారికి సహాయం అందించి, వారు ఆత్మవిశ్వాసంతో ముందుకు సాగేందుకు భాస్కరన్న భరోసా కల్పిస్తున్నారని మండల నాయకులు పేర్కొన్నారు.ఈ కార్యక్రమంలో మండల కాంగ్రేస్ పార్టీ అధ్యక్షులు బోయిని శంకర్, యువనాయకులు మియాపురం శశికాంత్, ఏఎంసీ వైస్ చైర్మన్ యామ రాములు, మండల ఉపాధ్యక్షులు గొండ్ల శ్రీనివాస్, ఏఎంసీ డైరెక్టర్ గొండ్ల రాజు, ఆత్మకమిటీ డైరెక్టర్ సందుల రవి, వార్డు మెంబర్లు కొరిమె రఘు, ప్రశాంత్ యాదవ్, ఇందూరి గజేందర్, లక్ష్మినారాయణ, హైమద్, జంగం గంగప్ప, చింతం అంబయ్య, మేత్రి గంగారాం తదితరులు పాల్గొన్నారు.

తెలంగాణ అస్తిత్వానికి, ఆడబిడ్డల ఆత్మగౌరవానికి ప్రతీక అయిన బతుకమ్మ సంబరాలు సాలూర మండల కేంద్రంలో సోమవారం అత్యంత వైభవంగా, కన్నుల పండువగా జరిగాయి. పూల పండుగ శోభతో మండల కేంద్రం పులకించిపోయింది. గ్రామమంతా పసుపు కుంకుమలు, పూల పరిమళాలతో కళకళలాడుతూ పండుగ వాతావరణాన్ని సంతరించుకుంది. ​తరతరాలుగా వస్తున్న సాంప్రదాయాన్ని గౌరవిస్తూ... మండలంలోని మహిళలు, యువతులు ఉదయం నుంచే ఎంతో భక్తిశ్రద్ధలతో రంగురంగుల పూలను సేకరించారు. తంగేడు, గునుగు, బంతి, చామంతి తదితర ప్రకృతి సిద్ధమైన పూలతో అద్భుతంగా, కళాత్మకంగా బతుకమ్మలను పేర్చుకున్నారు. అటు తరువాత ఆనవాయితీ ప్రకారం అందరూ కలిసికట్టుగా అలంకరించిన బతుకమ్మలను ఎత్తుకుని, ఊరేగింపుగా స్థానిక పోలీసు​ పటేల్‌ ​నివాసానికి చేరుకున్నారు. ​​వెంకట్ పటేల్‌ ఇంటి ప్రాంగణమంతా బతుకమ్మల శోభతో, మహిళల కోలాహలంతో కిక్కిరిసిపోయింది. గౌరమ్మను భక్తిశ్రద్ధలతో ప్రతిష్టించి, మహిళలందరూ వృత్తాకారంలో నిలబడి చప్పట్లతో లయబద్ధంగా అడుగులు వేశారు. "ఉయ్యాలో.. బంగారు గౌరమ్మ ఉయ్యాలో" అంటూ వారు ఆలపించిన జానపద బతుకమ్మ పాటలు ఆ ప్రాంతమంతా ప్రతిధ్వనించాయి. ఒకరికొకరు బతుకమ్మ శుభాకాంక్షలు తెలుపుకుంటూ, ఉత్సాహంగా నృత్యాలు చేస్తూ మహిళలు చేసిన సందడి అంతా ఇంతా కాదు. ​పల్లెటూరి సంస్కృతి, ఐక్యతకు ప్రతీకగా నిలిచిన ఈ సామూహిక బతుకమ్మ వేడుకలు ప్రతి ఒక్కరినీ ఎంతగానో ఆకట్టుకున్నాయి. అనంతరం గ్రామ శివారులోని బతుకమ్మ చెరువులో బొడ్డెమ్మలను నిమజ్జనం చేశారు. 

శేరీలింగం పల్లి ,అక్టోబర్ 12,(డిడి9 వార్త)‌: శేరిలింగంపల్లి జోనల్ కమిషనరేట్ ఎదురుగా సుదర్శన్ నగర్ కాలనీ 4బీలో టౌన్ ప్లానింగ్ అధికారులు అక్రమమని కూల్చిన "వి క్యూబ్" షెడ్డు  తిరిగి నిర్మించి పునః ప్రారంభిస్తున్న నేపధ్యంలో టౌన్  ప్లానింగ్ అధికారులు స్పందించారు.

“షెడ్డు సీజ్ చేస్తున్నాం” అని ఏసీపీ ప్రసీద డీడీ9 వార్తకు వెల్లడించారు. అక్రమ నిర్మాణమంటూ కూల్చివేసిన షెడ్డు ను తిరిగి నిర్మాణం చేపట్టి ప్రారంభించడంపై డీడీ9 వార్త వరుస కథనాలను ప్రచురించిన నేపధ్యంలో జోనల్ కార్యాలయం ఎదురుగానే నిర్మాణం తిరిగి చేపట్టడంపై టౌన్ ప్లానింగ్ విభాగం చర్యలను ప్రశ్నిస్తూ కథనాలు ప్రచురించింది.ఈ మేరకు స్పందించిన ఏసీపీ ప్రసీద, షెడ్డు సీజ్ చేస్తున్నట్లు స్పష్టం చేశారు.

అక్రమ నిర్మాణం వెనుక టౌన్ ప్లానింగ్ అధికారుల పాత్ర

కంచే చేనును మేస్తే కాపాడేదెవరు

టౌన్ ప్లానింగ్ అధికారులు కూలిస్తే

అక్రమార్కులు కూల్చిన చోటనే కట్టారు

శేరీలింగం పల్లి,అక్టోబర్ 12,(డిడి వార్త):

రంగారెడ్డి జిల్లా  శేరిలింగంపల్లి జోనల్ కమిషనరేట్ శేరిలింగంపల్లి సర్కిల్ పరిధిలోని సుదర్శన్ నగర్ కాలనీ 4బీలో నిర్మించిన భారీ షెడ్డు అక్రమమని గుర్తించిన శేరిలింగంపల్లి టౌన్ ప్లానింగ్ అధికారులు గత సెప్టెంబర్ నెలలో అట్టి షెడ్డును కూల్చివేయడం జరిగింది..జోనల్ కమిషనర్ శ్రీ నారాయణ అమిత్ మాలెంపాటి ఆదేశాల మేరకు అప్పటి డీసీ సురేందర్ రెడ్డి అక్రమమని షెడ్డు కూలిస్తే అట్టి చర్యలను ఆదేశాలను బేఖాతరు చేసి ఏసీపీ ప్రసీద ఆధ్వర్యంలో తిరిగి అక్రమార్కులు అక్రమ షెడ్డు నిర్మించారు.  అదే షెడ్డు తిరిగి నిర్మాణం చేపట్టి సోమవారం ప్రారంభిస్తున్న టౌన్ ప్లానింగ్ అధికారులు చర్యలు తీసుకోకపోవడం వెనుక అనేక అనుమానాలు రేకెత్తిస్తున్నాయి.

అక్రమ నిర్మాణాలను అడ్డుకోవాల్సిన అధికారులు వారి కళ్లముందే నిబంధనలకు విరుద్ధంగా నిర్మాణాలు చేస్తుంటే తఎటువంటి చర్యలు తీసుకోకపోవడం దారుణమని స్థానికులు ఆవేదన వ్యక్తం చేస్తున్నారు.ఎన్ని పిర్యాదులు చేసినా పట్టించుకోవడం లేదని వాపోతున్నారు.జోనల్ కార్యాలయం ముందు జోనల్ కమిషనర్ ఆదేశాలను భేఖాతారు చేస్తూ నిర్మాణాలు చేపట్టడం దేనికి సంకేతం అని ప్రశ్నిస్తున్నారు.టౌన్ ప్లానింగ్ ఉన్నతాధికారుల ఆదేశాలకు అక్రమార్కులు తూట్లు పొడుస్తుంటే ఏసీపీ ప్రసీద చూస్తూ ఉండడం వెనుక ఆంతర్యం ఏమిటని ప్రశ్నిస్తున్నారు.

కూల్చివేత నుంచి పునర్నిర్మాణం వరకు

అధికారులు మౌనం ఎందుకు?

అక్రమమని గుర్తించి కూల్చివేసిన నిర్మాణం మళ్లీ ఎలా రూపుదిద్దుకుంది? తిరిగి నిర్మాణం జరుగుతున్న సమయంలో సంబంధిత అధికారులు ఏం చేశారు? నిర్మాణాన్ని అడ్డుకోవాల్సిన యంత్రాంగం ఎందుకు స్పందించలేకపోయింది? జోనల్ కమిషనరేట్ ఎదురుగానే జోనల్ కమిషనర్ ఆదేశాలను భేఖాతరు చేస్తుంటే అధికారులు ఎందుకు మౌనం గా ఉన్నారని పలువురు ప్రశ్నిస్తున్నారు

సీపీ సీజ్‌ చేయాలన్న ఆదేశాలు

ఎందుకు అమలు చేయలేదు ?

భారీ షెడ్డు అక్రమమని షీజ్ చెయ్యమని సెరిలింగం పల్లి జోనల్ సీపీ శ్యామ్ ఆదేశాలు జారీ చేసినప్పటికీ ఏసీపీ ప్రసీద ఎందుకు సీజ్ చెయ్యలేదని ప్రశ్నలు స్థానికులు సందిస్తున్నారు. నిర్మాణాన్ని సీజ్‌ చేయాల్సిన పరిస్థితి ఉంటే అది జరగకపోగా ఆ చర్యలు చేపట్టకుండా షెడ్డు ప్రారంభమయ్యే వరకు అధికారులు ఏం చేస్తున్నారనే ప్రశ్నలు తలెత్తుతున్నాయి

రైతులు, భూ యజమానుల ప్రయోజనాలను కాపాడటంతో పాటు భవిష్యత్తులో వారికి ఎలాంటి భూ చిక్కులు, వివాదాలు తలెత్తకుండా చూడాలనే సదుద్దేశంతోనే ప్రభుత్వం భూముల రీసర్వే చేపడుతోందని జిల్లా కలెక్టర్ ఇలా త్రిపాఠి స్పష్టం చేశారు. సాలూర మండలం ఫతేపూర్‌లో కొనసాగుతున్న రీసర్వే ప్రక్రియను శుక్రవారం అదనపు కలెక్టర్ వి.భుజంగరావుతో కలిసి ఆమె క్షేత్రస్థాయిలో పరిశీలించారు. ​ఈ సందర్భంగా ఆధునిక 'రోవర్' సాంకేతిక పరిజ్ఞానంతో సాగుతున్న సర్వే విధానాన్ని పర్యవేక్షించిన కలెక్టర్, అధికారులకు పలు సూచనలు చేశారు. "సర్వే ప్రక్రియలో హద్దుల నమోదులో ఎలాంటి పొరపాట్లకు తావివ్వకూడదు. ప్రతిరోజూ సగటున 30 ఎకరాల మేర సర్వే పూర్తి చేయాలి. రైతుల ముందస్తు సమాచారంతో, వారి సమక్షంలోనే ఎంతో పారదర్శకంగా హద్దుల గుర్తింపు జరగాలి" అని స్పష్టం చేశారు. సాలూర మండలంలో తొలివిడతగా మూడు గ్రామాల్లో రీసర్వే జరుగుతోందని, ఇప్పటికే పోతంగల్, రెంజల్ మండలాల్లో 3 వేల ఎకరాల విస్తీర్ణంలో సర్వే పూర్తయిందని తెలిపారు.

​తొలిసారిగా తమ గ్రామానికి విచ్చేసిన జిల్లా కలెక్టర్‌కు ఫతేపూర్ సర్పంచ్ నూర్ అహ్మద్ శాలువా కప్పి, పూలబోకే అందించి సాదరంగా స్వాగతం పలికారు. ఈ సందర్భంగా గ్రామంలో పేద పిల్లలు, గర్భిణులు, బాలింతల పోషకాహార, ఆరోగ్య అవసరాల నిమిత్తం నూతనంగా అంగన్వాడీ కేంద్రాన్ని మంజూరు చేయాలని కోరుతూ కలెక్టర్‌కు వినతిపత్రం అందజేశారు. ​ఈ కార్యక్రమంలో ఆర్డీవో విజయకుమారి, సర్వే శాఖ ఏడీ శ్రీనివాసరావు, తహసీల్దార్ అజ్మత్ నవాజ్, స్థానిక రెవెన్యూ అధికారులు, ప్రజలు పాల్గొన్నారు.

తెలంగాణ సంస్కృతి, సాంప్రదాయాలకు నిలువుటద్దంగా నిలిచే బతుకమ్మ సంబరాలు బోధన్ పట్టణంలోని లయోలా పాఠశాలలో శోధాయమానంగా జరిగాయి. స్వరాష్ట్రంలో మన సంస్కృతికి దక్కిన గౌరవానికి ప్రతీకగా పాఠశాల ఆవరణ అంతా పండుగ వాతావరణం సంతరించుకుంది. a​ఈ సందర్భంగా పాఠశాల కరస్పాండెంట్ సురేష్ మాట్లాడుతూ.. తెలంగాణ జీవన విలువల కలబోత బతుకమ్మ అని కొనియాడారు. ప్రకృతితో మానవ సంబంధాన్ని చాటిచెప్పే అత్యున్నతమైన పండుగ ఇది అని పేర్కొన్నారు. మన నేల, మన నీరు, మన పూల ప్రాశస్త్యాన్ని భవిష్యత్ తరాలకు అందించాల్సిన అవసరం ఎంతైనా ఉందన్నారు. చదువుతో పాటు విద్యార్థుల్లో సొంత నేల సాంప్రదాయాల పట్ల గౌరవం, అవగాహన పెంచేందుకు తమ పాఠశాలలో ప్రతి ఏటా ఈ వేడుకలను పండుగలా నిర్వహిస్తున్నామని వివరించారు.

​విద్యార్థినులు స్వయంగా సేకరించిన గునుగు, తంగేడు, పట్టుకుచ్చు పూలతో అందమైన బతుకమ్మలను తీర్చిదిద్దారు. లయబద్ధమైన చప్పట్లు, తెలంగాణ జానపద పాటలతో పాఠశాల ప్రాంగణం మారుమోగింది. విద్యార్థినులతో పాటు మహిళా ఉపాధ్యాయులు కూడా బతుకమ్మ ఆడిపాడి ఉత్సాహపరిచారు. తెలంగాణ సాంస్కృతిక వైభవాన్ని చాటిచెప్పిన ఈ కార్యక్రమంలో పాఠశాల ప్రతినిధులు, ఉపాధ్యాయులు, విద్యార్థులు పెద్ద సంఖ్యలో పాల్గొన్నారు.

భారతీయ సినీ పరిశ్రమలో తీవ్ర విషాదం చోటుచేసుకుంది. విలక్షణ నటనకు చిరునామాగా నిలిచిన ప్రముఖ నటుడు నానా పటేకర్ (75) గుండెపోటుతో హఠాన్మరణం చెందారు. గోవాలోని తన నివాసంలో ఆయనకు తీవ్రమైన గుండెపోటు రావడంతో కుటుంబ సభ్యులు హుటాహుటిన ఆసుపత్రికి తరలించారు. ఈ క్రమంలో తెల్లవారుజామున 5:20 గంటలకు ఆయన తుదిశ్వాస విడిచినట్లు ఆసుపత్రి వర్గాలు ధ్రువీకరించాయి.

ఆసుపత్రికి తీసుకొచ్చిన తర్వాత దాదాపు 45 నిమిషాల పాటు వైద్యులు ఆయనను బతికించేందుకు తీవ్రంగా ప్రయత్నించారని, అయినప్పటికీ వారి ప్రయత్నాలు ఫలించలేదని సంబంధిత వర్గాలు తెలిపాయి. ఆయన మరణవార్తతో చిత్ర పరిశ్రమ దిగ్భ్రాంతికి గురైంది.

1978లో 'గమన్' చిత్రంతో బాలీవుడ్‌లో అడుగుపెట్టిన నానా పటేకర్, తన విలక్షణమైన నటన, డైలాగ్ డెలివరీతో ప్రత్యేక గుర్తింపు తెచ్చుకున్నారు. 'పరిందా', 'అబ్ తక్ ఛప్పన్', 'యశ్వంత్', 'వజూద్' వంటి చిత్రాలతో ఆయన నటనకు దేశవ్యాప్తంగా ప్రశంసలు వెల్లువెత్తాయి. ముఖ్యంగా 2000 తర్వాత 'శక్తి: ది పవర్', 'అపహరణ్', 'టాక్సీ నెం 9211' వంటి సినిమాల్లో ఆయన నటన విమర్శకుల మన్ననలు పొందింది.

ఒకవైపు సీరియస్ పాత్రలతో అలరిస్తూనే, మరోవైపు కామెడీతో ప్రేక్షకులను కడుపుబ్బా నవ్వించారు. 'వెల్కమ్' (2007), 'వెల్కమ్ బ్యాక్' (2015) చిత్రాలలో ఆయన పోషించిన 'ఉదయ్ శెట్టి' పాత్ర ఎప్పటికీ గుర్తుండిపోతుంది. 'రాజ్‌నీతి' చిత్రంలో ఆయన నటనకు ఫిలింఫేర్ అవార్డుకు నామినేట్ అయ్యారు. తన అద్భుత నట ప్రస్థానంలో మూడు జాతీయ అవార్డులను అందుకున్నారు. 

2016లో మరాఠీ చిత్రం 'నటసామ్రాట్'లో ప్రదర్శించిన అసమాన నటనకు గాను ఆయన ఫిలింఫేర్ ఉత్తమ నటుడి పురస్కారాన్ని గెలుచుకున్నారు. నటుడిగానే కాకుండా 'యశ్వంత్', 'వజూద్', 'ఆంచ్' వంటి చిత్రాల్లో నేపథ్య గాయకుడిగా కూడా తన ప్రతిభను చాటుకున్నారు. నానా పటేకర్ మృతితో భారతీయ సినిమా ఓ గొప్ప నటుడిని కోల్పోయిందని పలువురు ప్రముఖులు సంతాపం వ్యక్తం చేస్తున్నారు

కామ్రేడ్ జానకి రామ్…….
సంచలన అరంగేట్రం

అసిస్టెంట్ డైరెక్టర్ నుంచి డైరెక్టర్‌గా..

‘కామ్రేడ్ కళ్యాణ్’తో సాలిడ్ ఎంట్రీ

24 క్రాఫ్ట్స్‌పై పట్టు.. 
వైవిధ్యమైన కథలకు,దిగ్గజ దర్శకులతో పనిచేసిన అనుభవం.. 
కామెడీకి తనదైన శైలిని జోడించి .. ట్రైలర్‌తోనే ఆకట్టుకున్న దర్శకుడు జానకి రామ్ మారెళ్ల

హైదరాబాద్,అక్టోబర్ 7,(డిడి9 వార్త సినిమా):

సినిమా అంటే కేవలం ఒక కథను తెరకెక్కించడం మాత్రమే కాదు.. కథకు తగ్గట్టుగా ప్రతి క్రాఫ్ట్‌ను సమన్వయం చేస్తూ ప్రేక్షకుడిని థియేటర్‌లో కూర్చోబెట్టేలా చేయడం. అలాంటి అనుభవాన్ని ఎన్నో సినిమాల్లో అసిస్టెంట్ డైరెక్టర్‌గా, కో-డైరెక్టర్‌గా పనిచేస్తూ సంపాదించుకున్నారు దర్శకుడు జానకి రామ్ మారెళ్ల.

వైవిధ్యమైన కథలతో పాటు దిగ్గజ దర్శకుల దగ్గర పనిచేసి సినిమా నిర్మాణంలోని 24 క్రాఫ్ట్స్‌పై అవగాహన పెంచుకున్న జానకి రామ్.. ఇప్పుడు దర్శకుడిగా తన అదృష్టాన్ని పరీక్షించుకోవడానికి ఎంచుకున్న కథ ‘కామ్రేడ్ కళ్యాణ్’. చాలాకాలంగా టచ్ చేయని ఒక కథకు హాస్యాన్ని జోడించి, ప్రేక్షకులకు సరికొత్త అనుభూతిని అందించే ప్రయత్నం చేసినట్లు ట్రైలర్ చూస్తే అర్థమవుతోంది.

ముఖ్యంగా ట్రైలర్‌లోని కామెడీ సన్నివేశాలు ప్రేక్షకులను కడుపుబ్బ నవ్వించేలా ఉన్నాయి. ప్రతి పాత్రకు తగిన కామెడీ టైమింగ్‌ను సెట్ చేయడంలో దర్శకుడి అనుభవం స్పష్టంగా కనిపించింది.

కోన వెంకట్ పేరు.. కామెడీపై నమ్మకం!

కోన వెంకట్ పేరు వినగానే తెలుగు ప్రేక్షకులకు ముందుగా గుర్తొచ్చేది హాస్యం పండించే కథలు, వినోదాత్మక స్క్రీన్‌ప్లే. గతంలో పోస్టర్‌పై ‘కోన వెంకట్ కథ’ అనే మాట కనిపిస్తే సినిమాపై ఒక రకమైన నమ్మకం ఏర్పడేది.

అలాంటి కోన వెంకట్ ప్రెజెంటర్‌గా ‘కామ్రేడ్ కళ్యాణ్’కు ఉండటం సినిమాపై ఆసక్తిని మరింత పెంచుతోంది. కథలోని కామెడీని, పాత్రల మధ్య టైమింగ్‌ను, సన్నివేశాల రూపకల్పనను ట్రైలర్‌లో చూస్తుంటే ఈ కాంబినేషన్‌పై పెట్టుకున్న అంచనాలకు తగ్గట్టుగానే దర్శకుడు జానకి రామ్ మారెళ్ల న్యాయం చేసేడని అర్థమవుతోంది.సినిమా పక్కాగా ప్రేక్షకులకు కావాల్సిననంత హాస్యం ఉండబోతుందనే కాన్ఫిడెన్స్ కల్పించారు దర్శకులు 

వస్తాడు ….హిట్ కొడతాడు… వెలతాడు…

శ్రీవిష్ణు సినిమా అంటే.. అంచనాలు మామూలుగా ఉండవు!వస్తాడు హిట్ కొడతాడు వెళతాడు అంటూ సోషల్ మీడియా లో కామెంట్లు హోరెత్తాయి 

‘సామజవరగమన’ వంటి చిత్రాలతో తనదైన కామెడీ టైమింగ్‌తో ప్రేక్షకులను ఆకట్టుకున్న హీరో శ్రీవిష్ణు సినిమా అంటేనే ప్రేక్షకుల్లో ప్రత్యేకమైన అంచనాలు ఉంటాయి.

ఆ అంచనాలను ఏమాత్రం తగ్గించకుండా.. ఈ సినిమాలో తెలుగు సినిమాకు సుపరిచితమైన పలువురు హాస్య నటులతో తనదైన కామెడీ టైమింగ్‌ను దర్శకుడు జానకి రామ్ మూరెళ్ల సెట్ చేసిన తీరు ట్రైలర్‌లో ఆకట్టుకుంది.

ట్రైలర్ చూసిన తర్వాత “ఇది కదా కావాల్సింది” అనే కాన్ఫిడెన్స్ ప్రేక్షకుల్లో కలిగేలా చేయడంలో దర్శకుడు సక్సెస్ అయ్యారని చెప్పొచ్చు.

ఒక్కో మెట్టు ఎక్కి.. దర్శకుడిగా!

జానకి రామ్ మారెళ్లది గోల్డెన్ స్పూన్‌తో వచ్చిన ప్రయాణం కాదు. అసిస్టెంట్ డైరెక్టర్‌గా మొదలుపెట్టి.. దర్శక విభాగంలో అన్ని క్రాఫ్ట్స్ లో అనుభవం సంపాదించుకుని కో డైరెక్టర్ గా ఎన్నో సినిమాలకు పనిచేస్తూ.. సినిమా మేకింగ్‌లోని ప్రతి అంశాన్ని దగ్గరగా పరిశీలిస్తూ ఒక్కో మెట్టు ఎక్కి దర్శకుడి స్థానానికి చేరుకున్నారు.

దిగ్గజ దర్శకుల దగ్గర పనిచేసిన సుదీర్ఘ అనుభవం, 24 క్రాఫ్ట్స్‌పై సంపాదించిన అవగాహన ‘కామ్రేడ్ కళ్యాణ్’ ట్రైలర్‌లో కొట్టొచ్చినట్టు కనిపిస్తోంది.

ఏది ఏమైనా.. దర్శక విభాగంలో దర్శకుడిగా మారిన జానకి రామ్ మారెళ్లకు ‘కామ్రేడ్ కళ్యాణ్’ ఒక కీలకమైన అడుగు. ట్రైలర్‌తోనే తనపై ఒక నమ్మకాన్ని కలిగించిన ఆయన.. సినిమాతోనూ అదే స్థాయిలో ఆకట్టుకుని హిట్ అందుకుంటే, ఇండస్ట్రీలో ఎంతోమంది  కొత్త దర్శకులకు ఆయన ప్రయాణం ఒక మార్గదర్శకంగా నిలుస్తుందనడంలో అతిశయోక్తి లేదు.

. 

.

ప్రముఖ దర్శకుడు సింగీతం శ్రీనివాసరావు కన్నుమూశారు. కొద్దిసేపటి క్రితం చెన్నైలోని కావేరి ఆస్పత్రిలో తుదిశ్వాస విడిచారు. చివరిగా ఆయన నాగ్ అశ్విన్ నిర్మాణంలో 'సింగ్ గీతం' అనే సినిమాకి దర్శకత్వం వహించారు. 94 ఏళ్ల వయసులోనూ దర్శకత్వం వహించి విమర్శకుల ప్రశంసలు అందుకున్నారు

#singeetamsrinivasarao #LegendaryDirector #telugudirector. #TollywoodUpdates

బోధన్ పట్టణంలో నిరాశ్రయులకు డబుల్ బెడ్రూమ్ ఇళ్లను పారదర్శకంగా అందించడమే ప్రభుత్వ లక్ష్యమని, లబ్ధిదారులు దళారులకు ఒక్క రూపాయి కూడా చెల్లించాల్సిన అవసరం లేదని కాంగ్రెస్ నాయకులు స్పష్టం చేశారు. శుక్రవారం పట్టణంలో ఏర్పాటు చేసిన పాత్రికేయుల సమావేశంలో కాంగ్రెస్ పార్టీ నాయకులు అంకుదాము, పాషా మొహీనుద్దీన్, తూము శరత్ రెడ్డి, ఇమ్రాన్ తదితరులు మాట్లాడారు. స్థానిక ఎమ్మెల్యే, ప్రభుత్వ ప్రధాన సలహాదారు ప్రొద్దుటూరి సుదర్శన్ రెడ్డి ఆదేశాల మేరకు ఆర్డీవో విజయకుమారి నేతృత్వంలో అధికారుల సమక్షంలో లక్కీ డ్రా నిర్వహించే అర్హులను ఎంపిక చేశామని తెలిపారు. ఈ ప్రక్రియలో ఎవరైనా డబ్బులు అడిగితే తమ దృష్టికి తేగలరన్నారు. అసలైన నిరాశ్రయులకు కాకుండా వేరే వారికి ఇళ్లు వచ్చినట్లు ఆధారాలు ఉంటే ఫిర్యాదు చేస్తే విచారణకు ఆదేశిస్తామన్నారు. ప్రభుత్వం కేటాయించిన ఇళ్లను ఇతరులకు క్రయవిక్రయాలు చేసినా, అద్దెకు తిప్పినా 6 నెలల తర్వాత సర్వే నిర్వహించి వారి కేటాయింపులను రద్దు చేసి, మరొక అర్హులైన నిరుపేదకు అందిస్తామని హెచ్చరించారు. ఈ కార్యక్రమంలో పార్టీ కౌన్సిలర్లు, నాయకులు పాల్గొన్నారు.