చిన్ననాటి నుంచే ప్రముఖుల మధ్య పెరిగిన నేను, చిరంజీవిగారితో ప్రత్యేక అనుబంధం కలిగి ఉన్నాను. ఆయన ఎప్పుడూ నన్ను తన సొంత పిల్లాడిలా చూసుకున్నారు. సెట్లో తన పనిలో ఎంత బిజీగా ఉన్నా, చుట్టుపక్కల వారిని చూసుకోవడంలో ఎప్పుడూ శ్రద్ధ చూపుతారు. ఇటీవల ‘హనుమాన్’ సినిమా చూశాక, నాకు ఫోన్ చేసి దాదాపు 20 నిమిషాలు మాట్లాడి, భవిష్యత్తు గురించి విలువైన సూచనలు ఇచ్చారు.

నా సినీ ప్రస్థానం మొదలైనది కూడా చిరంజీవిగారివల్లే. ‘చూడాలని ఉంది’ సినిమాలో బాలనటుడి కోసం వందకు పైగా ఫోటోలు వచ్చాయి. వాటిలో నన్నే ఆయన ప్రత్యేకంగా ఎంపిక చేశారు. ఆ రోజున ఆయన నా ఫోటోను ఎంపిక చేసి ఉండకపోతే, ఈ రోజు నేను ఇక్కడ ఉండేవాడిని కాదు.

మాకు సినీ నేపథ్యం లేకపోవడంతో, నేను హీరో కావాలని చెప్పినప్పుడు ఇంట్లో వారు మొదట ఆందోళన చెందారు. కానీ నా పట్టుదలతో ముందుకు వచ్చాను. ‘ఓ బేబీ’ సినిమా సమయంలో సమంతగారు కూడా నాకు అపారమైన సహకారం అందించారు. ప్రచార కార్యక్రమాలకు నన్నే పంపిస్తూ, నా గురించి అందరికీ చెప్పి ప్రోత్సహించారు.

భద్రాద్రి కొత్తగూడెం జిల్లా భద్రాచలం సెప్టెంబర్ 8 ( డిడి 9 వార్త)
చర్ల మండలం సత్యనారాయణపురం ఎరువుల డిపోలో సోమవారం ఉదయంతోనే ఉద్రిక్తత దృశ్యాలు చోటుచేసుకున్నాయి. యూరియా కోసం రైతులు తెల్లవారినప్పటి నుండి భారీగా క్యూ కట్టి నిలబడ్డారు. ఈ క్రమంలో తిప్పాపురం గ్రామానికి చెందిన సోమయ్య అనే రైతు ఉదయం ఐదు గంటల నుండి 11:30 వరకు క్యూలో నిలబడటంతో తీవ్రమైన అస్వస్థతకు గురై స్పృహ తప్పి కిందపడ్డాడు.
సహచర రైతులు అప్రమత్తమై అతన్ని తక్షణమే దగ్గరలోని సత్యనారాయణపురం ఆసుపత్రికి తరలించారు. వైద్యులు ప్రథమ చికిత్స అందించడంతో ఎటువంటి ప్రమాదం తప్పిందని తెలిపారు. అయితే, రైతులను ఇలాంటి ఇబ్బందులకు గురిచేస్తున్న ప్రభుత్వ నిర్లక్ష్య ధోరణిపై రైతులు తీవ్ర ఆగ్రహం వ్యక్తం చేశారు. ఎరువు కొరతకు పరిష్కారం చూపాలని, రైతులకు గౌరవప్రదంగా సౌకర్యాలు కల్పించాలని వారు డిమాండ్ చేశారు