ప్రభాస్ హీరోగా మారుతీ దర్శకత్వంలో తెరకెక్కుతున్న “ది రాజాసాబ్” సినిమాపై ప్రేక్షకుల్లో భారీ అంచనాలు నెలకొన్నాయి. మొదట ఈ కాంబినేషన్‌పై అభిమానుల్లో కొంత సందేహం ఉన్నా, వరుసగా వచ్చిన అప్‌డేట్స్‌తో ఆ అనుమానాలు తొలగిపోయి మరింత ఆసక్తి పెరిగింది. ఇప్పుడు ప్రభాస్ అభిమానులు ఈ సినిమాకోసం ఆత్రుతగా ఎదురుచూస్తున్నారు.

ఇక సంగీత విభాగం విషయానికి వస్తే, ఈ చిత్రానికి ప్రముఖ మ్యూజిక్ డైరెక్టర్ ఎస్.ఎస్. థమన్ స్వరాలు సమకూరుస్తున్నారు. థమన్ ప్రత్యేక శైలిలో అందించే బాణీలు, బ్యాక్‌గ్రౌండ్ మ్యూజిక్‌పై ఇప్పటికే భారీ అంచనాలు ఉన్నాయి. సమాచారం ప్రకారం ఈ సినిమాలో మొత్తం ఐదు పాటలు ఉండబోతున్నాయి. అందులో ఒక పాట ప్రత్యేక ఆకర్షణగా నిలుస్తుందని సినీ వర్గాలు చెబుతున్నాయి. థమన్ ప్రభాస్ ఇమేజ్‌కి తగ్గట్టుగా కొన్ని మైండ్ బ్లోయింగ్ ట్యూన్స్ సిద్ధం చేస్తున్నాడని తెలుస్తోంది.