ఈటీవీ విన్ ప్రొడక్షన్ నుంచి థియేట్రికల్‌గా విడుదలైన తొలి సినిమా “లిటిల్ హార్ట్స్” బాక్సాఫీస్ వద్ద మంచి విజయాన్ని అందుకుంది. ప్రేక్షకుల హృదయాలను గెలుచుకున్న ఈ చిత్రం థియేటర్లలో నవ్వులు పూయిస్తూ, సోషల్ మీడియాలో అభిమానుల నుంచి సినీ ప్రముఖుల వరకూ ప్రశంసలు అందుకుంటోంది.

మౌళి తనూజ్, శివానీ నాగారం ప్రధాన తారాగణంగా, సాయి మార్తాండ్ దర్శకత్వంలో తెరకెక్కిన ఈ సినిమా విజయాన్ని పురస్కరించుకుని తాజాగా సక్సెస్ మీట్ నిర్వహించారు.

హీరో తనూజ్ మాట్లాడుతూ, “మేమంతా ఎంతో కష్టపడి చేసిన సినిమాకి ప్రేక్షకులు ఇంతటి స్పందన ఇస్తారని ఊహించలేదు. మొదటి రోజే రూ.2 కోట్లకు పైగా వసూళ్లు రావడం మా బడ్జెట్‌ను మించిపోయింది. ఇండస్ట్రీ నుంచి కూడా రవితేజ, నాని, బండ్ల గణేశ్ లాంటి వారు మాకు మద్దతు ఇవ్వడం చాలా సంతోషంగా ఉంది” అన్నారు.

ఈటీవీ విన్ కంటెంట్ హెడ్ నితిన్ మాట్లాడుతూ, “లిటిల్ హార్ట్స్ ఒక టార్చ్‌బేరర్ సినిమా. మా మీద విశ్వాసం పెట్టుకుని కష్టపడి పనిచేసిన టీమ్ విజయం సాధించింది. కొత్తవారిని ప్రోత్సహించడంలో మా ప్రొడక్షన్ ఎప్పుడూ ముందుంటుంది. బన్నీవాసు ఈ ప్రాజెక్ట్‌కి విశేషంగా సపోర్ట్ చేశారు” అని చెప్పారు.