పవర్ స్టార్ పవన్ కళ్యాణ్ నటిస్తున్న ‘ఓజీ’ సినిమా ప్రేక్షకుల్లో భారీ అంచనాలను సృష్టిస్తోంది. సెప్టెంబర్ 25న విడుదల కానున్న ఈ చిత్రానికి సంబంధించి మేకర్స్ తాజాగా ఆసక్తికర అప్‌డేట్ ఇచ్చారు. ఇందులో విలక్షణ నటుడు ప్రకాశ్ రాజ్‌ను పరిచయం చేస్తూ ఓ కొత్త పోస్టర్‌ను రిలీజ్ చేశారు.

ఈ సినిమాలో ఆయన ‘సత్య దాదా’ అనే శక్తివంతమైన పాత్రలో కనిపించనున్నారు. విడుదలైన పోస్టర్‌లో ఆయన కఠినమైన, సీరియస్ లుక్‌లో కనిపించడం ద్వారా ఈ రోల్ ఎంత ప్రధానమో స్పష్టమవుతోంది.

సుజీత్ దర్శకత్వం వహిస్తున్న ఈ గ్యాంగ్‌స్టర్ యాక్షన్ థ్రిల్లర్‌లో పవన్ కళ్యాణ్ ఓజాస్ గంభీర అనే ఇంటెన్స్ రోల్‌లో ప్రేక్షకులను ఆకట్టుకోబోతున్నారు. ఆయనకు జోడీగా ప్రియాంకా అరుల్ మోహన్ నటిస్తుండగా, బాలీవుడ్ నటుడు ఇమ్రాన్ హష్మీ విలన్‌గా కనిపించనున్నారు. అలాగే శ్రియా రెడ్డి, అర్జున్ దాస్ వంటి పలువురు నటీనటులు కూడా కీలక పాత్రల్లో నటిస్తున్నారు.

ప్రస్తుతం ఈ చిత్రం పోస్ట్ ప్రొడక్షన్ దశలో వేగంగా సాగుతోంది. ఇప్పటికే విడుదలైన టీజర్లు, సాంగ్స్, పోస్టర్లు ఫ్యాన్స్‌లో అంచనాలను మరింతగా పెంచాయి.