ప్రభాస్ ప్రధాన పాత్రలో నాగ్ అశ్విన్ దర్శకత్వం వహించిన ‘కల్కి 2898 ఏడీ’ గత ఏడాది విడుదలై దేశీయంగా, అంతర్జాతీయంగా అద్భుతమైన విజయాన్ని సాధించింది. భారతీయ సినిమాకు గ్లోబల్ స్థాయిలో పేరు తీసుకురావడంతో పాటు అనేక ప్రతిష్టాత్మక అవార్డులను గెలుచుకుంది. ఇప్పటికే దీనికి సీక్వెల్ రానుందని మేకర్స్ ప్రకటించగా, తాజాగా ఒక్కసారిగా షాకింగ్ న్యూస్ బయటకు వచ్చింది.

ఈ సీక్వెల్‌లో దీపికా పదుకొణె ఉండబోవని నిర్మాణ సంస్థ వైజయంతీ మూవీస్ అధికారికంగా ప్రకటించింది. “పూర్తిగా ఆలోచించిన తర్వాత తీసుకున్న నిర్ణయం ఇది. ‘కల్కి’ మొదటి భాగంలో దీపికతో చేసిన ప్రయాణం మాకు చాలా ప్రత్యేకం. కానీ రెండో పార్ట్‌లో ఆమె భాగస్వామ్యం ఉండదు. కొత్త టీమ్తో ముందుకు వెళ్తున్నాం. భవిష్యత్తులో దీపిక మంచి సినిమాలతో మెప్పించాలని కోరుకుంటున్నాం” అని పోస్ట్‌లో పేర్కొంది.

ఈ ప్రకటనతో అభిమానులు ఒక్కసారిగా షాక్ అయ్యారు. ఇప్పటికే ఆమె మరో భారీ ప్రాజెక్ట్ నుంచి తప్పుకున్నారని వార్తలు రావడంతో.. ఇప్పుడు ‘కల్కి 2’ నుంచి వైదొలగడం చర్చనీయాంశమైంది.

మొదటి భాగంలో ప్రభాస్ భైరవగా, దీపికా సుమతిగా అద్భుతంగా నటించారని ప్రేక్షకులు గుర్తుంచుకున్నారు. ఇప్పుడు సీక్వెల్‌లో ఆమె స్థానంలో ఎవరు వస్తారన్నదే సినీ వర్గాల్లో, అభిమానుల్లో హాట్ టాపిక్‌గా మారింది.