యంగ్ టైగర్ జూనియర్ ఎన్టీఆర్‌ (Jr NTR) స్వల్ప గాయాలతో చిక్కుకున్నారు. హైదరాబాద్‌లోని ఓ ప్రైవేట్ స్టూడియోలో శుక్రవారం ఒక కమర్షియల్ ప్రకటన షూట్ జరుగుతుండగా ఈ ప్రమాదం చోటుచేసుకుంది. ఆ సందర్భంగా ఎన్టీఆర్ కాలికి గాయం అయినట్లు ఆయన టీమ్ తెలిపింది.

ఈ వార్త వెలుగులోకి రావడంతో అభిమానులు ఆందోళన చెందుతుండగా, తారక్‌ టీమ్ వెంటనే స్పష్టతనిచ్చింది. “ఇది పెద్ద ప్రమాదం కాదు, చిన్న గాయమే. తారక్ ఇప్పటికే మెరుగుపడుతున్నారు. అభిమానులు ఎలాంటి ఆందోళన చెందాల్సిన అవసరం లేదు” అని అధికారిక ప్రకటన విడుదల చేసింది.

డాక్టర్లు ఎన్టీఆర్‌కి రెండు వారాల విశ్రాంతి అవసరమని సూచించినట్లు సమాచారం. షూటింగ్ సెట్లో వెంటనే ప్రథమ చికిత్స అందించారని, గాయం ప్రాణాపాయం కానిదని స్పష్టం చేశారు. గాయం ఏ భాగంలో జరిగిందనే వివరాలు మాత్రం బయట పెట్టలేదు.

ఈ సంఘటన సినిమా షూటింగ్ సమయంలో కాదు, కేవలం ఒక యాడ్ కమర్షియల్‌ షూట్ చేస్తుండగా జరిగిందని క్లారిటీ ఇచ్చారు.

ప్రస్తుతం తారక్, దర్శకుడు ప్రశాంత్ నీల్‌తో కలసి ఓ భారీ ప్రాజెక్ట్ చేస్తున్నారు. ఆయన గాయం త్వరగా మానకపోతే ఆ సినిమా షెడ్యూల్‌ ఆలస్యమయ్యే అవకాశం ఉందని సినీ వర్గాల సమాచారం.