సారపక అక్టోబర్ 10 డిడి 9 వార్త భద్రాద్రి కొత్తగూడెం జిల్లా, బూర్గంపాడు మండలం, సారపక మూల మలుపు వద్ద శుక్రవారం ఉదయం  రెండు ప్రభుత్వ  ఆర్టీసీ బస్సులు ఎదురెదురుగా ఢీకొన్నాయి. ఈ బస్ లలో ప్రయాణిస్తున్న ప్రయాణికులు ఈ ప్రమాదంలో దాదాపు 35 మంది ప్రయాణికులు గాయపడ్డారు.

​స్థానికుల కథనం ప్రకారం, వేగంగా వస్తున్న రెండు బస్సులు మలుపు వద్ద అదుపుతప్పి ఒకదానికొకటి బలంగా ఢీకొన్నాయి. ఈ ప్రమాదంలో బస్సుల్లో ప్రయాణిస్తున్న ప్రయాణికులలో చాలా మందికి చిన్నపాటి గాయాలు కాగా, కొందరికి తీవ్రమైన గాయాలైనట్లు సమాచారం.
​ప్రమాదం జరిగిన వెంటనే స్థానికులు, అటుగా వెళ్తున్న వాహనదారులు సహాయక చర్యలు చేపట్టారు. గాయపడిన ప్రయాణికులందరినీ తక్షణమే చికిత్స నిమిత్తం భద్రాచలం ప్రభుత్వ ఏరియా ఆసుపత్రికి తరలించారు. ఆసుపత్రి వైద్యులు గాయపడిన ప్రయాణికులకు వైద్యం అందిస్తున్నారు. వీరిలో కొందరికి తలకి  గాయాలు అయ్యాయి , కొంత మంది ఆరోగ్య పరిస్థితి మంచిగా ఉన్నప్పటికీ, పూర్తి వివరాలు తెలియాల్సి ఉంది.
​పోలీసులు ఘటనా స్థలానికి చేరుకుని కేసు నమోదు చేసి, ప్రమాదానికి గల కారణాలపై దర్యాప్తు ప్రారంభించారు. ఈ ప్రమాదం కారణంగా కొద్దిసేపు ట్రాఫిక్‌కు అంతరాయం కలిగింది