నగర పోలీస్ కమిషనర్ సజ్జనార్‌ను సోమవారం కమాండ్ కంట్రోల్ సెంటర్‌లో సినీ ప్రముఖులు చిరంజీవి, నాగార్జున, దర్శకుడు రాజమౌళి, నిర్మాతలు దిల్ రాజు, సురేశ్ బాబు కలిసి పైరసీ సమస్యపై చర్చించారు. పైరసీ వల్ల సినిమా పరిశ్రమకు భారీ నష్టం జరుగుతోందని, దేశవ్యాప్తంగా ఇది పెద్ద సమస్యగా మారిందని సజ్జనార్ పేర్కొన్నారు. ఐబొమ్మ వెబ్‌సైట్‌ను నడిపిన మాస్టర్‌మైండ్ రవిని అరెస్ట్ చేసి, ఐదు కేసులు నమోదు చేసినట్లు వెల్లడించారు. ఈ సమావేశం తరువాత పైరసీ నిర్మూలన కోసం పోలీసులు మరింత కఠిన చర్యలకు దిగే అవకాశం ఉందని పరిశ్రమ వర్గాలు భావిస్తున్నాయి.