బీజేపీ రాష్ట్ర కార్యవర్గ సభ్యుడు, బాల్కొండ నియోజకవర్గ ఇన్‌ఛార్జి ఏలేటి మల్లికార్జున్ రెడ్డి జన్మదిన వేడుకలను చౌట్‌పల్లి శక్తికేంద్రం ఆధ్వర్యంలో గురువారం సేవా దృక్పథంతో ఘనంగా నిర్వహించారు. శక్తికేంద్రం ఇన్‌ఛార్జి పుప్పాల నిరంజన్ నాయకత్వంలో స్థానిక ఎంపీయూపీఎస్ గర్ల్స్ పాఠశాలలో విద్యార్థినుల మధ్య కేక్ కట్ చేసి శుభాకాంక్షలు తెలిపారు. అనంతరం విద్యార్థినులకు కేక్, పండ్లను పంపిణీ చేశారు.
ఈ సందర్భంగా పుప్పాల నిరంజన్ మాట్లాడుతూ... సమాజానికి సేవ చేయడం, విద్యార్థులను ప్రోత్సహించడమే లక్ష్యంగా ఈ సేవా కార్యక్రమాలు చేపట్టినట్లు తెలిపారు. మల్లికార్జున్ రెడ్డికి ఆయురారోగ్యాలు ప్రసాదించాలని భగవంతుడిని కోరుకుంటూ, ఆయన ప్రజాసేవలో మరిన్ని ఉన్నత శిఖరాలను అధిరోహించాలని ఆకాంక్షించారు. ఈ కార్యక్రమంలో బీజేపీ నాయకులు ఎలాల వెంకట్, ముస్కు మహిపాల్, కుంట రమేష్, మహేంద్రపాల్, సత్తా గణేష్, తోట శ్రీధర్, నరేందర్, ప్రవీణ్, రవి తదితరులు పాల్గొన్నారు.
About The Author
.jpg)
