బీర్కూర్, ఏప్రిల్ 12(డిడి9 వార్త):
బీర్కూర్ గ్రామానికి చెందిన నిరడీ రవళిక ఇంటర్మీడియట్ పరీక్షల్లో ప్రతిభ చాటింది. హైదరాబాద్లోని శ్రీచైతన్య జూనియర్ కళాశాలలో చదువుతున్న ఆమె, BiPC గ్రూప్లో మొత్తం 1000 మార్కులకు గాను 970 మార్కులు సాధించి రాష్ట్ర స్థాయిలో విశిష్ట ఫలితాన్ని నమోదు చేసింది. ఈ విజయంతో రవళిక స్టేట్ ర్యాంకర్గా నిలిచింది.రవళిక ఈ విజయంతో కుటుంబ సభ్యులతో పాటు గ్రామానికి గర్వకారణంగా నిలిచింది. ఆమె తల్లిదండ్రులు నిరడీ శ్రీనివాస్, నిరడీ గంగామణి తమ కుమార్తె సాధించిన విజయంపై ఆనందం వ్యక్తం చేశారు. అలాగే బంధుమిత్రులు, గ్రామస్థులు రవళికను అభినందిస్తూ ఆమె భవిష్యత్తులో మరింత ఉన్నత శిఖరాలు అధిరోహించాలని ఆకాంక్షించారు.
