సామాజిక సేవలో తమకు సాటిలేరని లయన్స్ క్లబ్ సభ్యులు మరోసారి నిరూపించుకున్నారు. కమ్మర్పల్లిమండల కేంద్రంలోని బస్టాండ్ ఆవరణలో లయన్స్ క్లబ్ ఆఫ్ కమ్మర్పల్లి ఆధ్వర్యంలో ఏర్పాటు చేసిన చలివేంద్రాన్ని భీంగల్ సిఐ సత్యనారాయణ గౌడ్, ఎస్సై అనిల్ బుధవారం ఘనంగా ప్రారంభించారు. ఈ సందర్భంగా సిఐ మాట్లాడుతూ.. వేసవి తాపంతో అల్లాడుతున్న ప్రయాణికుల దాహార్తిని తీర్చేందుకు చల్లటి వాటర్ క్యాన్లతో చలివేంద్రాన్ని ఏర్పాటు చేయడం అభినందనీయమని కొనియాడారు.
దూర ప్రాంతాల నుంచి వచ్చే వారికి ఈ మంచినీరు ఎంతో ఊరటనిస్తుందని, ఇలాంటి సేవా కార్యక్రమాలు చేపట్టడం లయన్స్ క్లబ్ సభ్యుల బాధ్యతాయుత ప్రవర్తనకు నిదర్శనమని పేర్కొన్నారు. భవిష్యత్తులో కూడా ప్రజలకు ఉపయోగపడే మరిన్ని సామాజిక కార్యక్రమాలు నిర్వహించాలని ఆయన క్లబ్ ప్రతినిధులను కోరారు. ఈ కార్యక్రమంలో లయన్స్ క్లబ్ అధ్యక్షుడు లుక్క గంగాధర్, కోశాధికారి తెడ్డు రమేష్, సభ్యులు పాలెం నరసయ్య, కనక గంగాధర్, సున్నం మోహన్, బద్రి రాజశేఖర్, గుండోజి రవీందర్, చింత ప్రదీప్, సుంకేట బుచ్చన్న, జగన్, పోల్కం మనోహర్ తదితరులు పాల్గొన్నారు.
