సామాజిక విప్లవ పితామహుడు, అణగారిన వర్గాల ఆశాజ్యోతి మహాత్మా జ్యోతిబాపూలే 200వ జయంతి వేడుకలను శనివారం నిజామాబాద్ జిల్లా కేంద్రంలో ఘనంగా నిర్వహించనున్నట్లు బీసీ సంక్షేమ సంఘం జిల్లా అధ్యక్షులు నరాల సుధాకర్ తెలిపారు. ఈ సందర్భంగా ఆయన మాట్లాడుతూ... సమాజంలో పాతుకుపోయిన అసమానతలపై పోరాడి, విద్యతోనే విముక్తి సాధ్యమని చాటిచెప్పిన పూలే ఆశయాలను నేటి తరానికి చాటిచెప్పేందుకు ఈ ఉత్సవాలను నిర్వహిస్తున్నట్లు పేర్కొన్నారు.
ఈ వేడుకల్లో భాగంగా ఉదయం 9 గంటలకు నగరంలోని వినాయక్ నగర్ హనుమాన్ జంక్షన్ విగ్రహాల పార్కులో ఉన్న పూలే విగ్రహానికి పూలమాలలు వేసి నివాళులర్పించనున్నట్లు వివరించారు. అనంతరం 10:30 గంటలకు దుబ్బలోని మున్నూరుకాపు సంఘ భవనంలో ప్రభుత్వ అధికారిక సభా కార్యక్రమం జరుగుతుందని, ఈ సభకు జిల్లా కలెక్టర్ ఇలా త్రిపాఠి తో పాటు ప్రజాప్రతినిధులు పెద్ద సంఖ్యలో హాజరవుతారని తెలిపారు. జిల్లాలోని బీసీ ప్రజలు, సామాజిక కార్యకర్తలు మరియు పూలే అభిమానులు భారీ ఎత్తున తరలివచ్చి ఈ జయంతి ఉత్సవాలను విజయవంతం చేయాలని ఆయన పిలుపునిచ్చారు.
About The Author
.jpg)
