పోతంగల్, ఫిబ్రవరి 07 (డీడీ9 వార్త):
నిజామాబాద్ జిల్లా పోతంగల్ మండలంలోని హంగర్గా ఫారం గ్రామంలో డాక్టర్ బి.ఆర్. అంబేద్కర్ సతీమణి రమాబాయి 128వ జయంతి ఉత్సవాలను శనివారం గ్రామస్తులు ఘనంగా నిర్వహించారు.ఈ సందర్భంగా వక్తలు మాట్లాడుతూ అంబేద్కర్, రమాబాయి దేశానికి చేసిన సేవలు ఎన్నటికీ మరిచిపోలేనివని అన్నారు. డాక్టర్ అంబేద్కర్ కేవలం దళితులకే కాకుండా, దేశంలోని బడుగు బలహీన వర్గాల అభ్యున్నతికి అహర్నిశలు కృషి చేసిన మహనీయుడని కొనియాడారు. ఆయన చేసిన సేవలు జీవితకాలం గుర్తుండిపోతాయని తెలిపారు.ప్రతి సంవత్సరం అంబేద్కర్ జయంతి, రమాబాయి జయంతులను తమ గ్రామంలో అంగరంగ వైభవంగా జరుపుకోవడం ఆనవాయితీగా మారిందని, వారి పట్ల ఉన్న అభిమానంతోనే ఈ కార్యక్రమాలు నిర్వహిస్తున్నామని గ్రామస్తులు పేర్కొన్నారు.ఈ కార్యక్రమంలో గ్రామ పెద్దలు, యువకులు, మహిళలు తదితరులు పాల్గొన్నారు.
