హైదరాబాద్ నగరంలో సంచలనం రేపిన ఘటన కూకట్పల్లి స్వాన్ లేక్ అపార్ట్మెంట్లో చోటు చేసుకుంది. గేటెడ్ కమ్యూనిటీ లాంటి అత్యంత సురక్షిత ప్రదేశంలోనే దారుణ హత్య జరగడం స్థానికులను భయాందోళనలకు గురి చేసింది. రేణు అగర్వాల్ (50) రక్తపు మడుగులో మృతి చెందడంతో ఆ అపార్ట్మెంట్ వాసులు షాక్కు గురయ్యారు.
పోలీసుల ప్రాథమిక దర్యాప్తు ప్రకారం, రేణు భర్త రాకేశ్ అగర్వాల్తో కలిసి కుటుంబం ఫతేనగర్లో స్టీల్ వ్యాపారం నిర్వహిస్తున్నారు. దంపతులు తమ కుమారుడితో కలిసి స్వాన్ లేక్ అపార్ట్మెంట్లో నివసిస్తున్నారు. సుమారు 11 రోజుల క్రితమే ఝార్ఖండ్కు చెందిన హర్ష అనే యువకుడిని వంటమాన్గా పనిలోకి తీసుకున్నారు. ఈ కొత్తగా వచ్చిన వంటమాన్నే రేణు హత్య వెనుక ఉన్నాడని పోలీసులు అనుమానిస్తున్నారు.
సాధారణంగా సురక్షితంగా భావించే అపార్ట్మెంట్లో ఇలాంటి ఘటన జరగడంతో నివాసులు తీవ్ర ఆందోళన వ్యక్తం చేస్తున్నారు. పోలీసులు కేసు నమోదు చేసి హర్ష కోసం గాలింపు చర్యలు చేపట్టారు. ఈ ఘటనతో నగరంలో భద్రతా చర్యలపై మళ్లీ చర్చ మొదలైంది.
