తాజాగా సితార ఎంటర్టైన్మెంట్స్ నిర్మాణంలో, దర్శకుడు చందూ మొండేటి కొత్త ప్రాజెక్ట్ను ప్రకటించారు. “వాయుపుత్ర” (Vaayuputra) అనే టైటిల్తో వస్తున్న ఈ చిత్రం, ప్రత్యేకంగా 3D యానిమేషన్ మైథాలజికల్ మూవీగా రూపుదిద్దుకోనుంది. దసరా కానుకగా పలు భాషల్లో విడుదల చేయాలని యూనిట్ భావిస్తోంది.
ఇటీవల నాగచైతన్య హీరోగా తెరకెక్కిన **“తండేల్”**తో విజయాన్ని సాధించిన చందూ మొండేటి, ఇప్పుడు ఈ క్రేజీ ప్రాజెక్ట్తో మరోసారి ప్రేక్షకులను ఆకట్టుకునేందుకు సిద్ధమవుతున్నారు.
సూర్యదేవర నాగవంశీ, సాయి సౌజన్య సంయుక్తంగా ఫార్చ్యూన్ ఫోర్ సినిమాస్, శ్రీకర స్టూడియోస్తో కలిసి ఈ చిత్రాన్ని నిర్మిస్తున్నారు. తాజాగా మూవీ అనౌన్స్మెంట్ చేస్తూ ఫస్ట్ లుక్ పోస్టర్ మరియు మోషన్ పోస్టర్ను విడుదల చేశారు.
“మన చరిత్ర ఆత్మలోంచి, ఇతిహాసాల పుటల నుంచి పుట్టిన ఒక అమర పురాణ గాథ” అంటూ యూనిట్ ఈ పోస్టర్ను పంచుకోవడం ప్రత్యేక ఆకర్షణగా నిలిచింది.
