పోతంగల్, మార్చి 01 (డిడి9 వార్త): నిజామాబాద్ జిల్లా పోతంగల్ మండలంలోని తిరుమలపూర్ గ్రామంలో ఆదివారం స్టార్ హాస్పిటల్ ఆధ్వర్యంలో ఉచిత వైద్య శిబిరం నిర్వహించారు. గ్రామ ప్రజలకు ఆరోగ్య సేవలను చేరువ చేయాలనే ఉద్దేశంతో ఈ శిబిరాన్ని ఏర్పాటు చేశారు.ఈ సందర్భంగా డాక్టర్ అఖిల్, డాక్టర్ ఇర్ఫాన్ రోగులను పరిశీలించి ఉచిత వైద్య సేవలు అందించారు. అవసరమైన ఔషధాలను కూడా ఉచితంగా పంపిణీ చేశారు. శిబిరం విజయవంతం కావడానికి హాస్పిటల్ సబ్ స్టాఫ్తో పాటు వడ్ల సురేష్ హాస్పిటల్ సిబ్బంది సహకారం అందించారు.ఉచిత సేవలందించిన వైద్యులను సర్పంచ్ బోయి సైదవ్వ, ఉప సర్పంచ్ బెలిగే సంజు కుమార్, వార్డ్ సభ్యులు కాశయ్య, లక్ష్మి, కూనపల్లి నాగేశ్వర్ పటేల్, శివరాజ్ పటేల్ శాలువాలతో సత్కరించి కృతజ్ఞతలు తెలిపారు.ఈ కార్యక్రమంలో పంచాయతీ కార్యదర్శి, జీపీ సిబ్బంది, గ్రామస్తులు పెద్ద సంఖ్యలో పాల్గొన్నారు.
