కోటగిరి / పోతంగల్, ఫిబ్రవరి 07 (డీడీ9 వార్త):
నిజామాబాద్ జిల్లా వర్ని మండల కేంద్రంలోని జిల్లా పరిషత్ పాఠశాల ప్రాంగణంలో శనివారం మండల స్థాయి సీఎం కప్ క్రీడోత్సవాలను ఘనంగా నిర్వహించారు.ఈ క్రీడోత్సవాల్లో పోతంగల్ మండల కేంద్రానికి చెందిన క్రీడాకారులు ఉత్సాహంగా, పోటాపోటీగా పాల్గొన్నారు. ముఖ్యంగా కబడ్డీ పోటీల్లో పోతంగల్ మండల జట్టు అద్భుత ప్రతిభ కనబరిచి రెండో స్థానంలో నిలిచి ప్రశంసలు అందుకుంది.ఈ సందర్భంగా క్రీడాకారులు మాట్లాడుతూ గెలుపు–ఓటములు క్రీడల్లో సహజమని, అయితే గెలుపే లక్ష్యంగా ప్రతి క్రీడాకారుడు తన నైపుణ్యాన్ని మరింత మెరుగుపర్చుకోవాల్సిన అవసరం ఉందన్నారు. సీఎం కప్ పోటీల్లో మంచి స్థానం సాధించడం గర్వకారణమని తెలిపారు.ఈ కార్యక్రమంలో వివిధ గ్రామాలకు చెందిన క్రీడాకారులు, నిర్వాహకులు తదితరులు పాల్గొని క్రీడోత్సవాలను విజయవంతం చేశారు.
