బీర్కూర్, మార్చి 18 (డిడి9 వార్త):
బీర్కూర్ మండలం అన్నారం గ్రామానికి చెందిన మచ్కురి కిష్టయ్య నివాస గృహం ఇటీవల అగ్నిప్రమాదానికి గురై పూర్తిగా దగ్ధమై తీవ్ర నష్టం వాటిల్లింది. ఈ విషయం తెలిసిన బీర్కూర్ మండల నాయకుడు మియ్యాపురం శశికాంత్ బాధిత కుటుంబాన్ని పరామర్శించి రూ.5,000ల ఆర్థిక సహాయం అందించారు.
అదేవిధంగా కాంగ్రెస్ పార్టీ నాయకులు అన్నారం శ్రీనివాస్ రూ.5,000లు, ప్రతాప్ రెడ్డి రూ.2,000లు అందజేసి తమ మానవత్వాన్ని చాటుకున్నారు. మొత్తంగా రూ.12,000ల ఆర్థిక సహాయం బాధిత కుటుంబానికి అందించారు.ఈ సందర్భంగా బాధిత కుటుంబానికి ధైర్యం చెప్పి, భవిష్యత్తులో కూడా అవసరమైన సహాయం అందిస్తామని నాయకులు హామీ ఇచ్చారు. ఈ కార్యక్రమంలో బీర్కూర్ మండలానికి చెందిన నాయకులు, కార్యకర్తలు పాల్గొన్నారు.
