బీర్కూర్,ఫిబ్రవరి 01(డిడి9 వార్త): బీర్కూర్ మండల కేంద్రంలోని 6వ, 8వ వార్డులలో పారిశుధ్య సమస్యలు తీవ్ర స్థాయికి చేరుకున్నాయి. డ్రైనేజీ వ్యవస్థ సరిగా లేకపోవడంతో నల్లనీళ్లలో జలగలు వస్తున్నాయి, మురికి నీటిలో జలగలు పెరుగుతున్నాయి. కాలనీవాసులు తప్పనిసరి పరిస్థితుల్లో అదే మురికి నీటిని పట్టుకోవాల్సిన దుస్థితి నెలకొంది.డ్రైనేజీ ప్రక్కనే నల్లనీళ్లు ప్రవహిస్తూ, దుర్వాసనతో పాటు దోమల బెడద పెరిగిపోతోంది. దీంతో చిన్నారులు, వృద్ధులు తరచూ అనారోగ్యానికి గురవుతున్నారని స్థానికులు ఆవేదన వ్యక్తం చేస్తున్నారు. ఈ సమస్యపై పలుమార్లు అధికారులకు, ప్రజాప్రతినిధులకు ఫిర్యాదు చేసినా ఎలాంటి స్పందన లేకపోవడం తీవ్ర నిరాశకు గురిచేస్తోందని వారు అంటున్నారు.వెంటనే డ్రైనేజీ పనులు చేపట్టి నల్లనీళ్ల సమస్యకు శాశ్వత పరిష్కారం చూపాలని,ఇప్పటికైనా సంబంధిత అధికారులు, ప్రజాప్రతినిధులు స్పందించి కాలనీవాసుల మాగోషను వినాలని వారు కోరుతున్నారు.
