కామారెడ్డి,జనవరి 02(డిడి9 వార్త):
కామారెడ్డి జిల్లా ప్రజలకు కామారెడ్డి పట్టణ కేంద్రంలో గల హరిజనవాడ, ముదంగల్లీలోని ప్రభుత్వ బాల సదనం, కామారెడ్డి రక్షణ మరియు సంరక్షణ అవసరమున్న బాలికల కోసం లో, ప్రజలు తమ పుట్టినరోజులు, వివాహ వార్షికోత్సవాలు, అలాగే ముఖ్యమైన పండుగలను చిన్నారులతో కలిసి ఆనందంగా జరుపుకునే సదావకాశం కలదు.ఈ అవకాశాన్ని జిల్లా ప్రజలు సద్వినియోగం చేసుకోవాలని జిల్లా సంక్షేమ అధికారి, మహిళా, పిల్లల, వికలాంగుల మరియు వయోవృద్ధుల సంక్షేమ శాఖ ఏ. ప్రమీల తెలిపారు. ఈ కార్యక్రమాల ద్వారా బాలికలకు మరింత ఆనందం కలుగుతుందని, సమాజంలో సేవాభావం పెంపొందుతుందని ఆమె పేర్కొన్నారు.ఈ విషయమై పూర్తి వివరములకు సూపరింటెండెంట్, ప్రభుత్వ బాల సదనం, కామారెడ్డి కే. సంగామేశ్వరిని 99592 83797 నంబర్లో సంప్రదించగలరని ఆమె తెలియజేశారు.
