బీర్కూర్,జనవరి 07(డిడి9 వార్త):
కామారెడ్డి జిల్లా బీర్కూర్ మండల తహసీల్దార్గా సవాయి సింగ్ బదిలీపై బాధ్యతలు స్వీకరించారు. జిల్లా కలెక్టర్ ఆశీష్ సాంగ్వాన్ ఆదేశాల మేరకు ఈ మార్పులు చేపట్టినట్లు అధికార వర్గాలు తెలిపాయి.ఇప్పటివరకు బీర్కూర్ తహసీల్దార్గా విధులు నిర్వహిస్తున్న సాయి భుజంగరావును నిజాంసాగర్కు బదిలీ చేయగా, అతని స్థానంలో ఎల్లారెడ్డి ఆర్డీవో కార్యాలయంలో అసిస్టెంట్ డెవలప్మెంట్ ఆఫీసర్గా పనిచేస్తున్న సవాయి సింగ్ను బీర్కూర్ తహసీల్దార్గా నియమించారు.కొత్తగా బాధ్యతలు స్వీకరించిన సవాయి సింగ్ మాట్లాడుతూ, ప్రజలకు వేగవంతమైన సేవలు అందిస్తూ రెవెన్యూ సమస్యల పరిష్కారానికి కృషి చేస్తానని తెలిపారు. మండల అభివృద్ధి కోసం అధికారులు, ప్రజాప్రతినిధులతో సమన్వయంగా పనిచేస్తానని పేర్కొన్నారు.
