బీర్కూర్, ఏప్రిల్ 29(డిడి9 వార్త):
బీర్కూర్ మండలంలోని బరంగేడ్గి గ్రామంలో పారిశుధ్య పరిస్థితి దారుణంగా మారింది. గ్రామంలోని డ్రైనేజీలు చెత్తాచెదారంతో నిండిపోయి దుర్వాసన వెదజల్లుతున్నాయి.దీంతో కాలనీవాసులు తీవ్ర అసౌకర్యానికి గురవుతున్నారు.ఇప్పటికే పలుమార్లు సంబంధిత అధికారులకు విన్నవించుకున్నప్పటికీ ఎలాంటి చర్యలు తీసుకోలేదని గ్రామస్తులు ఆవేదన వ్యక్తం చేస్తున్నారు.డ్రైనేజీలను శుభ్రం చేయకపోవడం వల్ల దోమలు,ఈగలు విపరీతంగా పెరిగి వ్యాధులు వ్యాపించే ప్రమాదం ఉందని వారు అంటున్నారు.పాలకులు,అధికారులు నిర్లక్ష్య వైఖరి ప్రదర్శిస్తున్నారని మండిపడిన ప్రజలు,వెంటనే డ్రైనేజీలను శుభ్రపరిచి గ్రామంలో పారిశుధ్యాన్ని మెరుగుపరచాలని డిమాండ్ చేస్తున్నారు. సమస్యను పట్టించుకోకపోతే ఆందోళన కార్యక్రమాలు చేపడతామని హెచ్చరిస్తున్నారు.
