దంతేవాడలో మావోయిస్టుల ఐఈడీ దాడి – ఇద్దరు సిఆర్పిఎఫ్ జవాన్లకు తీవ్ర గాయాలు
చర్ల, సెప్టెంబర్ 11 (డిడి9): ఛత్తీస్గఢ్లో మావోయిస్టుల ఉగ్రవాదం మరోసారి తలెత్తింది. దంతేవాడ జిల్లా బర్సూర్ ప్రాంతంలోని సత్ధర్–మాలేవాహి మధ్య సెర్చ్ ఆపరేషన్ నిర్వహిస్తున్న ఇద్దరు సిఆర్పిఎఫ్ జవాన్లు మావోయిస్టులు అమర్చిన ఐఈడీ బాంబు దాడికి గురయ్యారు. ఈ ఘటనలో ఇద్దరు జవాన్లు తీవ్రంగా గాయపడ్డారు.
గాయపడిన వారిని సహచర సిబ్బంది హుటాహుటిన దంతేవాడ జిల్లా ఆసుపత్రికి తరలించారు. వారి పరిస్థితి విషమంగా ఉన్నట్లు సమాచారం. సంఘటన స్థలంలో అదనపు దళాలను మోహరించిన భద్రతా బలగాలు మావోయిస్టుల కదలికల కోసం కంబింగ్ ఆపరేషన్లను వేగవంతం చేశాయి.
దంతేవాడ ఎస్పీ గౌరవ్ రాయ్ ఈ ఘటనను ధ్రువీకరిస్తూ, నిందితులను పట్టుకునే వరకు ఆపరేషన్లు కొనసాగుతాయని తెలిపారు.
