పోతంగల్ ఫిబ్రవరి 17 (డీడీ9 వార్త): నిజామాబాద్ జిల్లా పోతంగల్ మండలంలో మంగళవారం తెలంగాణ తొలి ముఖ్యమంత్రి, బీఆర్ఎస్ అధినేత గౌ శ్రీ కల్వకుంట్ల చంద్రశేఖర రావు జన్మదినాన్ని పురస్కరించుకుని పార్టీ నాయకులు, కార్యకర్తలు కేక్ కట్ చేసి ఒకరికొకరు తినిపించుకుని ఘనంగా జరుపుకున్నారు.ఈ సందర్భంగా పోతంగల్ మండల ఇన్చార్జ్ అరిఫ్ మాట్లాడుతూ, మాజీ ముఖ్యమంత్రివర్యులు కల్వకుంట్ల చంద్రశేఖర రావు జన్మదిన వేడుకలు జరుపుకోవడం ఆనందకరమని తెలిపారు. ఆయన నాయకత్వంలో తొమ్మిది సంవత్సరాల కాలంలో అనేక రంగాల్లో పథకాలు ప్రవేశపెట్టి తెలంగాణ అభివృద్ధికి కృషి చేశారని కొనియాడారు. తెలంగాణ సాధన కోసం ఎంతో శ్రమించిన గొప్ప నాయకుడిగా ఆయనను అభివర్ణించారు.ఈ కార్యక్రమంలో పార్టీ కార్యకర్తలు పెద్దలు సాయిలు, వీరయ్య సాయిలు, మండల టీఆర్ఎస్ నాయకులు తదితరులు పాల్గొన్నారు.
