యువ పర్వతారోహకుడు భుక్య యశ్వంత్ అరుదైన శిఖరాలను అధిరోహించాడు

కామారెడ్డి, నవంబర్ 29(డిడి9 వార్త): తెలంగాణకు చెందిన యువ పర్వతారోహకుడు భుక్య యశ్వంత్ పర్వతారోహణ రంగంలో మరో మైలురాయిని అధిగమించాడు. ఆయన ఇటీవల మౌంట్ గోరిచెన్, మౌంట్ రియో పూర్గిల్‌తో పాటు అస్సాం, మణిపూర్, మిజోరామ్ రాష్ట్రాల అత్యున్నత శిఖరాలను విజయవంతంగా అధిరోహించాడు. ప్రతికూల వాతావరణ పరిస్థితులు, కఠిన మార్గదర్శకాల మధ్య ఈ శిఖరాలను అధిరోహించడం విశేషంగా నిలిచింది.యశ్వంత్ ఈ యాత్రలో తీసుకున్న అరుదైన ఫోటోలను ఎస్పీ రాజేష్ చంద్రకి అందజేశాడు. ఈ సందర్భంగా ఎస్పీ యశ్వంత్‌ను అభినందిస్తూ, ఆయన పట్టుదల, ధైర్యసాహసాలను ప్రశంసించారు. భవిష్యత్తులో మరిన్ని శిఖరాలను అధిరోహించేందుకు శుభాకాంక్షలు తెలిపారు.

యశ్వంత్ సాధించిన ఈ విజయాలు తెలంగాణ యువతకు ప్రేరణగా నిలుస్తున్నాయి.

Views: 12
Tags:

About The Author

Related Posts

Latest News