రానున్న హోలీ, రంజాన్ పండుగలను పురస్కరించుకుని నిజామాబాద్ జిల్లా బోధన్ పట్టణంలో తగిన మౌలిక వసతులు కల్పించాలని కోరుతూ బీఆర్ఎస్ కౌన్సిలర్లు మున్సిపల్ ఛైర్పర్సన్ తూము పద్మశారత్ రెడ్డికి శుక్రవారం వినతి పత్రం సమర్పించారు. ఈ సందర్భంగా పట్టణంలోని కామదహన కూడళ్లు, ఈద్గా మసీదులు మరియు స్మశాన వాటికల వద్ద విద్యుత్ దీపాలు, శానిటేషన్, తాగునీటి వంటి సౌకర్యాలు ఏర్పాటు చేయాలని వారు విజ్ఞప్తి చేశారు. ఈ కార్యక్రమంలో కౌన్సిలర్లు ముషీర్ బాబా మోబిన్, గుమ్ముల అశోక్ రెడ్డి, అజార్ మరియు బి. లక్ష్మీ తదితరులు పాల్గొన్నారు.
