గన్నారం, లింగాపూర్‌ గ్రామాల్లో ఉచిత కంటి వైద్య శిబిరం

By R.Suresh

On 20 Feb 2026 21:09:10

గన్నారం, లింగాపూర్‌ గ్రామాల్లో ఉచిత కంటి వైద్య శిబిరం

నిజామాబాద్ జిల్లా పోతంగల్ మండలంలోని గన్నారం, లింగాపూర్‌ గ్రామాల్లో శుక్రవారం నిర్వహించిన ఉచిత కంటి వైద్య శిబిరాలకు ప్రజల నుంచి మంచి స్పందన లభించింది. లయన్స్ క్లబ్‌ ఆఫ్‌ బీర్కూర్ ఆధ్వర్యంలో బోధన్‌ లైన్స్‌ క్లబ్‌ సహకారంతో ఈ శిబిరాలను ఏర్పాటు చేశారు. ఈ సందర్భంగా నిర్వహకులు మాట్లాడుతూ.. గ్రామీణ ప్రాంతాల్లోని పేదలకు నాణ్యమైన కంటి వైద్యం అందించాలనే ఉద్దేశంతో ఈ కార్యక్రమం చేపట్టినట్లు తెలిపారు. శిబిరంలో సుమారు 65 మందికి కంటి పరీక్షలు నిర్వహించగా, వారిలో మోతిబిందు (శుక్లాలు) ఉన్నట్లు గుర్తించిన 14 మందిని శస్త్రచికిత్సల నిమిత్తం బోధన్‌ లయన్స్ క్లబ్‌ ఆసుపత్రికి తరలించినట్లు వెల్లడించారు. ఈ కార్యక్రమంలో లింగాపూర్‌ సర్పంచ్‌ దెగం హనుమంతు, గన్నారం సర్పంచ్‌ శారద రాజప్ప పటేల్‌, కంటి వైద్య సహాయకులు, లయన్స్ క్లబ్‌ ప్రతినిధులు, గ్రామస్థులు పాల్గొన్నారు.

Views: 9

Tags: