సాలూర మండల కేంద్రంలోని కటికె గల్లిలో గల పాత మసీదు ఆవరణలో పవిత్ర రంజాన్ మాసాన్ని పురస్కరించుకుని కాంగ్రెస్ పార్టీ సీనియర్ నాయకుడు సొక్కం రవి ఆధ్వర్యంలో బుధవారం ఇఫ్తార్ విందును ఘనంగా నిర్వహించారు. ఈ కార్యక్రమంలో హిందూ ముస్లిం సోదరులు పెద్ద సంఖ్యలో పాల్గొని, ఒకరికొకరు రంజాన్ శుభాకాంక్షలు తెలుపుకుంటూ మత సామరస్యాన్ని చాటిచెప్పారు. ఈ సందర్భంగా సొక్కం రవి మాట్లాడుతూ... సాలూర మండల కేంద్రం ఎప్పుడూ గంగా-జమున తెహజీబ్కు నిదర్శనమని, కులమతాలకు అతీతంగా అందరూ కలిసి మెలిసి ఉండడం సంతోషంగా ఉందని తెలిపారు. కటికె గల్లిలో మసీదు వద్ద జరిగిన ఈ ఆత్మీయ విందులో మసీదు కమిటీ సభ్యులు, కాంగ్రెస్ నాయకులు, స్థానికులు పాల్గొని ముస్లిం సోదరులతో కలిసి ఐక్యతను చాటారు. ఈ కార్యక్రమంలో సొక్కం ప్రశాంత్, అల్లే రమేష్, ఇల్తేపు రమేష్, కేజీ గంగారాం, బుద్ధె లక్ష్మణ్, నీరడి నాగేష్, కల్లూరి భాస్కర్, ముట్టన్ గంగారాం తదితరులు పాల్గొన్నారు.
