నిజామాబాద్ జిల్లా పోతంగల్ మండలంలోని హంగార్గ గ్రామంలో 'మన ఇసుక' వాహనం సేవలను తహసీల్దార్ గంగాధర్, గ్రామ సర్పంచ్ ఉదయ్ భాస్కర్ కలిసి శుక్రవారం అధికారికంగా ప్రారంభించారు. ప్రభుత్వ నిబంధనల ప్రకారం ఇసుక రవాణాను సులభతరం చేసేందుకు ఈ వాహనం అందుబాటులోకి వచ్చినట్లు వారు తెలిపారు. ఈ సందర్భంగా తహశీల్దార్ మాట్లాడుతూ.. గత కొంతకాలంగా ఇసుక రవాణా విషయంలో ట్రాక్టర్ యజమానులు ఎదుర్కొంటున్న ఇబ్బందులను ప్రభుత్వం దృష్టిలో ఉంచుకుని 'మన ఇసుక' యాప్ను అందుబాటులోకి తెచ్చిందని పేర్కొన్నారు. ఇప్పుడు ఆన్లైన్ ద్వారా బుకింగ్ చేసుకునే సౌలభ్యం కలగడం పట్ల ట్రాక్టర్ యూనియన్ సభ్యులు హర్షం వ్యక్తం చేస్తున్నారు. దీనివల్ల పారదర్శకత పెరగడమే కాకుండా వాహనదారులకు వేధింపులు తప్పుతాయని సర్పంచ్ ఉదయ్ భాస్కర్ అభిప్రాయపడ్డారు.
