బంజారాల ఆరాధ్య దైవం, ఆధ్యాత్మిక గురువు సద్గురు సంత్ శ్రీ సేవలాల్ మహారాజ్ సమాజ శ్రేయస్సు కోసం చూపించిన మార్గం ఎంతో ఆదర్శనీయమని ప్రభుత్వ ముఖ్య సలహాదారు మరియు బోధన్ ఎమ్మెల్యే సుదర్శన్ రెడ్డి కొనియాడారు. ఆదివారం బోధన్ పట్టణంలోని పెగడపల్లి రోడ్డులో గల రుద్ర కన్స్ట్రక్షన్ పక్కన బంజారాలకు కేటాయించిన స్థలంలో సేవాలాల్ మహారాజ్ జయంతి వేడుకలను ఘనంగా నిర్వహించారు. ఈ కార్యక్రమానికి ముఖ్య అతిథిగా హాజరైన ఎమ్మెల్యే, మహనీయుడి చిత్రపటానికి ప్రత్యేక పూజలు నిర్వహించి నివాళులర్పించారు. ఈ సందర్భంగా ఆయన మాట్లాడుతూ... సేవాలాల్ మహారాజ్ బోధించిన శాంతి, అహింస మరియు సామాజిక సంస్కరణలు నేటి తరానికి ఎంతో స్ఫూర్తిదాయకమని పేర్కొన్నారు. బంజారా సోదర సోదరీమణులందరికీ ఆయన జయంతి శుభాకాంక్షలు తెలియజేశారు. సేవాలాల్ మహారాజ్ ఆశయ సాధనకు ప్రతి ఒక్కరూ కృషి చేయాలని ఈ సందర్భంగా నాయకులు పిలుపునిచ్చారు.
వేడుకల్లో జిల్లా కాంగ్రెస్ పార్టీ అధ్యక్షులు నాగేష్ రెడ్డి, నూడా చైర్మన్ కేశ వేణు, బోధన్ మున్సిపల్ చైర్మన్ పద్మా శరత్ రెడ్డి, గంగా శంకర్, నాగేశ్వరరావులతో పాటు వివిధ శాఖల అధికారులు, బంజారా ప్రతినిధులు మరియు సంఘాల నాయకులు పెద్ద సంఖ్యలో పాల్గొన్నారు.
About The Author
