ప్రజావాణిలో ప్రజల నుంచి వచ్చిన వినతులను అధికారులు త్వరితగతిన పరిష్కరించాలని మండల పరిషత్ అభివృద్ధి అధికారి బి.నర్సయ్య ఆదేశించారు. సోమవారం సాలూర రైతు వేదికలో నిర్వహించిన మండల స్థాయి ప్రజావాణి కార్యక్రమంలో ఆయన పాల్గొని అధికారులతో కలిసి అర్జీలను స్వీకరించారు. ఈ సందర్భంగా ఆయన మాట్లాడుతూ.. ప్రజల సమస్యలను పరిష్కరించడానికే ప్రభుత్వం ఈ కార్యక్రమాన్ని నిర్వహిస్తోందన్నారు. ప్రజల నుంచి వ్యవసాయ శాఖకు సంబంధించి 2, నీటిపారుదల శాఖకు 1 దరఖాస్తు చొప్పున మొత్తం మూడు వినతులు వచ్చాయన్నారు. వీటిని పరిశీలించి వెంటనే పరిష్కరించాలని సంబంధిత అధికారులకు సూచించారు. ఈ కార్యక్రమంలో మండల స్థాయి అధికారులు, సిబ్బంది పాల్గొన్నారు.
